Proposicións non de lei aprobadas polo Pleno do Parlamento de Galicia o 10 de febreiro de 2016


4.1 32068 (09/PNP-002330)
Grupo Parlamentario Popular de Galicia
Santalices Vieira, Miguel Ángel, e sete deputados/as máis
Sobre as actuacións que debe levar a cabo o Goberno galego en relación coa adherencia ao tratamento farmacolóxico en Galicia
Publicación da iniciativa, BOPG nº 410, do 05.02.2015
 
O texto aprobado é o seguinte:
 
«O Parlamento de Galicia insta a Xunta de Galicia a seguir a traballar na mellora da adherencia terapéutica e a levar a cabo estudos sobre o nivel dela en Galicia que non se centren unicamente na recollida ou toma da medicación senón tamén que poidan medir o seguimento doutras recomendacións en materia de saúde (exercicio, alimentación,…) que teñen un peso tamén moi relevante.»

4.4 44372 (09/PNP-003226)
Grupo Parlamentario Popular de Galicia
Romero Fernández, Cristina Isabel, e sete deputados/as máis
Sobre a posta en marcha polo Goberno galego dun programa de mercados no Camiño de Santiago
Publicación da iniciativa, BOPG nº 564, do 02.12.2015
 
O texto aprobado é o seguinte:
 
«O Parlamento de Galicia insta a Xunta de Galicia a pór en marcha un programa de mercados no Camiño que sexa capaz de aproveitar as oportunidades que o Camiño de Santiago pode xerar para a economía galega en xeral e para os pequenos produtores e as persoas comerciantes das prazas de abastos e mercados dos concellos polos que transcorre en particular.»
 
4.7 45615 (09/PNP-003298)
Grupo Parlamentario dos Socialistas de Galicia
Méndez Romeu, José Luis, e dous deputados/as máis
Sobre a demanda polo Goberno galego ao Goberno central da realización das modificacións normativas necesarias para permitir a compatibilidade da percepción das pensións coas derivadas dos dereitos de autor
Publicación da iniciativa, BOPG nº 590, do 27.01.2016
 
O texto aprobado é o seguinte:
 
«O Parlamento de Galicia insta a Xunta de Galicia a demandar do Goberno de España:
 
1. A modificación normativa necesaria para permitir a compatibilidade da percepción das pensións coas derivadas dos dereitos de autor.
 
2. Abordar coas organización representativas do sector e coas entidades de xestión dos dereitos de autor un ‘estatuto do creador/a’ que teña en conta os diferentes tipos de situacións profesionais e os correspondentes mecanismos de protección social como salvagarda dos dereitos das creadoras e dos creadores.»
 
 
Saúdos, Gabinete de Comunicación do Parlamento de Galicia.

Imaxes Relacionadas

Outras novas


Emisións en directo

Non temos emisións en directo neste momento.

Axenda

Na axenda atopará as ordes do día e a documentación das sesións desta Cámara, tamén poderá consultar o arquivo multimedia das sesións xa celebradas.

Calendario

LUNS 23
outubro de 2017
lunsmarmérxovvensábdom
1
2345678
9101112131415
16171819202122
23242526272829
3031
<< setembro| novembro >>

Información das Sesións

Lista de sesións do día 23/10/2017


© Parlamento de Galicia, 2011 | Rúa do Hórreo, 63 - 15701 Santiago de Compostela | Tel.: 981 551 300 Fax: 981 551 408