Integrantes da Fundación Inade visitaron o Parlamento de Galicia coincidindo co seu décimo aniversario
Santiago, 21 de outubro de 2019.- O presidente do Parlamento de Galicia, Miguel Ángel Santalices Vieira, animou hoxe aos integrantes da Fundación Inade Instituto Atlántico do Seguro a facer uso das diferentes iniciativas de participación cidadá habilitadas pola Cámara galega para trasladar as súas propostas e inquedanzas.
Santalices Vieira recibiu esta mañá a unha delegación da Fundación Inade, Instituto Atlántico do Seguro, que visitaron o Parlamento de Galicia no marco da conmemoración do décimo aniversario desta organización.
O presidente da Cámara felicitou a Fundación Inade polo seu labor e animou aos seus integrantes a continuar divulgando e impulsando a cultura do seguro, as boas prácticas e a transparencia.
Durante o encontro, o presidente do Parlamento agradeceu a visita da Fundación Inade e explicoulle as diferentes iniciativas impulsadas polo Lexislativo galego para dar a coñecer o seu labor á sociedade. Puxo como exemplo o programa da visitas guiadas, as portas abertas que se celebran todos os luns ou as iniciativas dirixidas ao estudantado galego. Ao tempo, insistiu en que o Parlamento “quere estar na rúa, nas empresas, na universidade, nas asociacións, no tecido asociativo” porque, afirmou, “somos unha institución con vocación de escoita”.
Saúdos, Gabinete de Comunicación.
Parlamento de Galicia
