saltar ao contido

Pilar Rojo lamenta o falecemento de Díaz Pardo, un dos representantes insignes da cultura galega no século XX

 

Santiago, 5 de xaneiro de 2011.- A presidenta do Parlamento de Galicia, Pilar Rojo Noguera, lamenta o falecemento do intelectual e galeguista Isaac Díaz Pardo, ao que considera unha figura insigne para entender a cultura galega no século XX.
 
En opinión de Rojo Noguera, os diferentes proxectos culturais e empresariais emprendidos por Díaz Pardo acreditan o compromiso do intelectual falecido hoxe coa súa terra e a súa xente.
 
A presidenta do lexislativo autonómico destaca tamén a traxectoria artística do falecido e recorda que o Salón de Plenos do Parlamento de Galicia conta cunha vidrieira da que é autor Díaz Pardo.
 

 

Imaxes relacionadas

saltar ao pe de páxina