saltar ao contido

A Federación Galega de Bancos de Alimentos agradece a colaboración do Parlamento


Santiago, 22 de febreiro de 2016.- O presidente da Federación galega de Bancos de Alimentos, José Pita, e mailos presidentes dos catro bancos galegos provinciais agradeceron ao presidente do Parlamento, Miguel Ángel Santalices Vieira, a colaboración que a Cámara lexislativa brinda a estas organizacións.
 
O responsable da Federación Galega de Bancos de Alimentos e mailos catro presidentes provinciais visitaron esta tarde o Parlamento de Galicia, onde mantiveron un encontro co titular da Cámara. Tamén participaron na visita voluntarios destas organizacións.
 
Nun encontro cos voluntarios que participaron na visita, Santalices Vieira agradeceulles a súa implicación neste “labor encomiable que recoñece toda a sociedade”, afirmou.
 
Desde o comezo da pasada lexislatura, no ano 2009, o Parlamento de Galicia destina a entidades sociais a partida que ata entón dedicaba a agasallos e demais atencións protocolarias polo Nadal.

Saúdos, Gabinete de Comunicación.

Imaxes relacionadas

saltar ao pe de páxina