saltar ao contido

O Parlamento acolle as imaxes gañadoras do III Concurso Fotográfico EAPN 2013


• A mostra foi inaugurada por Pilar Rojo, que lamentou que teñan que ser sucesos como o afundimento de Lampedusa os que fagan reaccionar a Europa fronte a dramas como o da inmigración

Santiago, 14 de outubro de 2013.- O Parlamento de Galicia acolle desde este luns as imaxes gañadores do III Concurso fotográfico Pobreza e Exclusión Social 2013, organizado por EAPN Galicia.
 
A presidenta do Parlamento, Pilar Rojo, explicou no acto inaugural que esta mostra se enmarca na aposta da institución por manterse permeable a canto sucede ao seu redor.
 
Na súa intervención, Rojo Noguera reflexionou sobre as diferentes facianas da pobreza no momento actual e chamou a atención sobre a indiferenza social que, en ocasións, suscitan determinadas situacións.
 
Puxo como exemplo o recente afundimento rexistrado preto do litoral da illa italiana de Lampedusa, que volveu poñer de actualidade en toda Europa o drama da inmigración. “O drama estaba aí, todos os días, pero tivo que saltar aos medios para que nos lembraramos da súa existencia”, aseverou.
 
Saúdos, Gabinete de Comunicación do Parlamento de Galicia.

Imaxes relacionadas

saltar ao pe de páxina