​

Santalices destaca o simbolismo indiscutible da Catedral de Tui no VIII Centenario da súa consagración

• O presidente aposta por reforzar a cooperación transfronteiriza entre Galicia e Norte de Portugal

Santiago, 30 de novembro de 2025.- O presidente do Parlamento, Miguel Ángel Santalices Vieira, destacou hoxe, no acto de celebración do 800 aniversario da Catedral de Tui, que este monumento se ergue como símbolo dunha cidade fronteiriza. Porén, a raia “non é un valado infranqueable", senón que se establece como un espazo de unión, intercambio e de convivencia entre ambos lados da fronteira.

Neste sentido, apuntou que está simboloxía “debe levarnos a administración e cidadáns a garantir a necesaria cooperación e igualdade por riba de calquera  fronteira".

Tamén subliñou que a Eurorrexión, a eurocidade Tui−Valença, a Comunidade de Traballo Galicia-Norte de Portugal ou o Eixo Atlańtico de Cidades son exemplos de iniciativas que permiten reforzar o espíritu de fraternidade con Portugal.

O xefe do Lexislativo autonómico lembrou que no 2023 o Parlamento outorgoulle a Medalla  á cooperación transfronteiriza impulsada por Galicia e a Rexión Norte de Portugal, unha interrelación que leva existindo ao longo dos séculos.

Por outra banda, na súa intervención, Santalices lembrou que no 2027 se sucederán tres fitos históricos: o vindeiro Ano Santo, o 50 aniversario da constitución de Viana do Castelo e a constitución de Braga como capital europea da cultura.

Saúdos, Gabinete de Comunicación​