Inicio do acto de entrega das Medallas do Parlamento de Galicia 2022 ás institucións estatutarias de Galicia. No Salón dos Reis do Parlamento de Galicia.
• Lectura do acordo polo que se conceden estas Medallas a cargo da secretaria da Mesa do Parlamento de Galicia.
• Intervención do presidente do Parlamento de Galicia.
• Entrega das Medallas do Parlamento de Galicia ás institucións estatutarias de Galicia.
o Valedor do Pobo. Recolle a Medalla a valedora do Pobo, Dolores Fernández Galiño. Intervención.
o Consello de Contas. Recolle a Medalla o conselleiro Maior do Consello de Contas, José Antonio Redondo López. Intervención.
o Consello da Cultura Galega. Recolle a Medalla a presidenta do Consello da Cultura Galega, Rosario Álvarez Blanco. Intervención.
• Intervención do presidente da Xunta de Galicia.
• Foto de familia no escenario do acto.
Cobertura informativa:
• O espectro de frecuencias exclusivo para a microfonía do Parlamento de Galicia, que ningún medio debe utilizar, é o seguinte:
o 487.000 Mhz – 527.000 Mhz
• O acto poderá seguirse en directo a través da web do Parlamento. O vídeo estará dispoñible na mediateca unha vez rematado o acto.
• Os equipos de redacción deberán seguir o acto desde a sala de prensa ou a sala azul.
• Televisións: Ofrecerase sinal institucional realizada, que se distribuirá, nas condicións habituais, na Sala Azul: analóxica (conexións BNC para vídeo e Canon para audio) e SDI con audio embebido (conexión BNC).
• Se algunha televisión desexa acceder á sala para gravar imaxes, poderá facelo, pero só desde a zona habilitada para redactores gráficos (nesa zona non hai toma de son).
• Radios: Disporán de son na sala Azul e nas cabinas de radio situadas na parte posterior do Hemiciclo. As pantallas do hemiciclo permitirán seguir o acto en directo. O acceso ás cabinas estará cortado entre as 10,45 e o remate do acto.
• Fotógrafos: Disporán dunha zona acoutada no Salón dos Reis.
Parlamento de Galicia