Cristina Sanz Arias

Nacemento: Lugo - 1970

Grupo Parlamentario Popular de Galicia

Biografía:

Licenciada en Economía pola Universidade de Santiago de Compostela. Posgrao en Especialización en Xestión e Dirección Comercial de Cooperativas e Pemes, experta universitaria en Dirección Financeira da Empresa e Diploma de Estudos Avanzados, pola USC.

Deputada no Parlamento de Galicia na XI lexislatura, na que ocupou diversas portavocías no ámbito económico e presidiu a Comisión 6ª, Economía, Industria, Comercio e Turismo. Actualmente é concelleira no Concello de Lugo.

Na súa experiencia laboral dirixiu o Departamento de Economía da Confederación de Empresarios de Lugo. Posteriormente, accedeu á Administración pública da Xunta, en que foi subdirectora de Investimento do Igape ata 2020, ano en que pasou á situación de excedencia para incorporarse ao Parlamento de Galicia.