Santalices celebra o espírito do Estatuto que cumpre 45 anos da súa vixencia

​

Santalices celebra o espírito do Estatuto que cumpre 45 anos da súa vixencia

• Expertos analizan nunha xornada celebrada no Parlamento as súas vertentes históricas, políticas e económicas

Santiago, 23 de abril de 2026.- O presidente do Parlamento de Galicia, Miguel Ángel Santalices Vieira, celebrou hoxe a “autonomía plena" que posúe e exerce Galicia como consecuencia do Estatuto de Autonomía, do que se conmemora o seu 45 aniversario.

O xefe do Lexislativo deulle hoxe a benvida aos participantes na xornada que acolleu a sede do Lexislativo baixo o título O Estatuto de Autonomía para Galicia 45 anos despois: Historia, Política, Dereito, Economía, “un espazo de diálogo plural −dixo− para enriquecer  a nosa comprensión colectiva".

A xornada, que estivo moderada polo catedrático emérito de Historia Contemporánea da USC, Ramón Villares, contou coa participación de Xosé Luis Barreiro Rivas, exvicepresidente da Xunta e profesor emérito de Ciencia Política da USC; María Bastida Domínguez, catedrática de Organización de Empresas da USC; Roberto Blanco Valdés, catedrático de Dereito Constitucional da USC; María Cadaval Sampedro, profesora de Facenda Pública da USC, e Miguel Corgos, conselleiro de Facenda e Administración Pública.

Saúdos, Gabinete de Comunicación​