Acordos aprobados na reunión da Comisión 6ª, Industria, Enerxía, Comercio e Turismo, celebrada o 20 de marzo de 2026

​

A Comisión 6ª, Industria, Enerxía, Comercio e Turismo, na súa sesión do 20 de marzo de 2026, adoptou os seguintes acordos:

Procedementos de control e impulso

Proposicións non de lei en Comisión

Aprobación sen modificacións

- 48737 (12/PNC-003792)

Grupo Parlamentario Popular de Galicia

Lorenzo Gómez, Rubén e 8 máis

Sobre demanda que a Xunta de Galicia debe trasladar ao Goberno central co fin de que declare de forma inmediata a futura subestación de Maciñeira como nó de transición xusta

BOPG n.º 332f2, do 11.02.2026

Sométese a votación e resulta aprobada sen modificacións por 14 votos a favor, 0 votos en contra e 1 abstencións.

O texto aprobado é o seguinte:

“O Parlamento de Galicia insta á Xunta de Galicia a dirixirse ao Goberno de España a declarar de forma inmediata a futura subestación de Maciñeira 400 kV como nó de transición xusta e, en consecuencia, convocar e resolver de forma urxente o concurso do nó das Pontes, de tal xeito que se dea resposta ás necesidades dos proxectos industriais e enerxéticos e se asegure, polo tanto, o emprego de calidade na zona"

- 50343 (12/PNC-003919)

Grupo Parlamentario Popular de Galicia

Rodríguez Carrera, María Felisa e 8 máis

Sobre a demanda á Xunta de Galicia de estudos e análises periódicas verbo dos cambios nos hábitos de consumo co obxectivo de identificar e deseñar vías de mellora para o comercio local

BOPG n.º 337f1, do 20.02.2026

Sométese a votación e resulta aprobada sen modificacións por 9 votos a favor, 0 votos en contra e 6 abstencións.

O texto aprobado é o seguinte:

“O Parlamento de Galicia insta á Xunta de Galicia a promover estudos e análises periódicas sobre as novas tendencias e estratexias dixitais vencelladas aos cambios nos hábitos de consumo, có obxectivo de identificar oportunidades de mellora e vías para a adopción de prácticas innovadoras no comercio local"

Aprobación por unanimidade sen modificacións

- 26467 (12/PNC-002479)

Grupo Parlamentario Socialista de Galicia

Iglesias Rey, Patricia e 4 máis

Sobre a demanda ao Goberno galego da iniciación nesta anualidade do compromiso orzamentario para a construción da circunvalación de Carballo

BOPG n.º 206f1, do 04.06.2025

Sométese a votación e resulta aprobada sen modificacións pola unanimidade dos 15 deputados e deputadas presentes.

O texto aprobado é o seguinte:

“O Parlamento galego insta a Xunta de Galicia a que se comprometa a iniciar nesta anualidade o compromiso orzamentario de executar a construción da circunvalación de Carballo"

- 38570 (12/PNC-003364)

Grupo Parlamentario do Bloque Nacionalista Galego

Castro García, Daniel e 3 máis

Sobre a demanda dirixida ao Goberno galego co obxecto de que se implique no desenvolvemento dos procesos para crear o polígono industrial de Muras

BOPG n.º 286f2, do 19.11.2025

Sométese a votación e resulta aprobada sen modificacións pola unanimidade dos 15 deputados e deputadas presentes.

O texto aprobado é o seguinte:

“O Parlamento galego insta a Xunta de Galiza a implicarse no desenvolvemento do polígono industrial de Muras axilizando os procesos administrativos para comezar canto antes a súa construción"​