Acordos aprobados na reunión da Comisión 8ª, Pesca e Marisqueo, celebrada o 17 de marzo de 2026

​

A Comisión 8ª, Pesca e Marisqueo, na súa sesión do 17 de marzo de 2026, adoptou os seguintes acordos:

Procedementos de control e impulso

Proposicións non de lei en Comisión

Aprobación sen modificacións​

- 49978 (12/PNC-003885)

Grupo Parlamentario Popular de Galicia

Fidalgo Iglesias, Miguel e 8 máis

Sobre as demandas que a Xunta de Galicia debe trasladar ao Goberno central en relación co seu anuncio de catalogación da anguía como especie de máxima protección

BOPG n.º 337f1, do 20.02.2026

Sométese a votación e resulta aprobada sen modificacións por 9 votos a favor, 0 votos en contra e 7 abstencións.

O texto aprobado é o seguinte:

“O Parlamento de Galicia insta a Xunta de Galicia a dirixirse ao Goberno de España para:

1.- Paralizar calquera iniciativa de catalogación estatal da anguía en categoríasde máxima protección ata avaliar de forma obxectiva e diferenciada os resultados dos plans autonómicos de xestión existentes.

2.- Recoñecer expresamente o papel das comunidades autónomas que desenvolveron modelos eficaces de xestión sostible, incorporando os seus datos científicos e experiencia no proceso de toma de decisións.

3.- Garantir que calquera decisión futura se base en análises científicas diferenciadas por concas hidrográficas, evitando decisións xeneralistas que non responden á realidade biolóxica de cada territorio.

4.- Priorizar a loita contra o furtivismo e o tráfico ilegal internacional como principal eixo de recuperación da especie.

5.- Avaliar previamente o impacto socioeconómico de calquera medida restritiva sobre as comunidades locais que dependen deta actividade tradicional."

- 50450 (12/PNC-003934)

Grupo Parlamentario Popular de Galicia

Fidalgo Iglesias, Miguel e 8 máis

Sobre as demandas que a Xunta de Galicia debe dirixir ao Goberno central en relación co peche de Marrocos á exportación de sardiña e coa defensa do sector conserveiro galego relacionado con esta especie

BOPG n.º 337f1, do 20.02.2026

Sométese a votación e resulta aprobada sen modificacións por 11 votos a favor, 0 votos en contra e 5 abstencións.

O texto aprobado é o seguinte:

“O Parlamento de Galicia insta a Xunta de Galicia a dirixirse ao Goberno de España para:

1.- Iniciar de maneira inmediata xestións diplomáticas co Goberno do Reino de Marrocos para solicitar a paralización da prohibición de exportación de sardiña e o restablecemento normal dos fluxos comerciais cara á Unión Europea.

2.- Esixir o respecto e cumprimento do Acordo de Asociación entre a Unión Europea e Marrocos, evitando decisións unilaterais que prexudiquen gravemente a sectores produtivos europeos e, en particular, á industria conserveira galega.

3.- Trasladar esta problemática á Comisión Europea, có fin de que adopte as medidas necesarias para defender os intereses do sector transformador e garantir o cumprimento dos acordos internacionais vixentes.

4.- Informar das xestións realizadas tanto á Xunta de Galicia como ao sector conserveiro, informando das xestións realizadas e coordinando posibles medidas de apoio en caso de persistir a situación."

Aprobación por unanimidade sen modificacións

- 49350 (12/PNC-003831)

Grupo Parlamentario do Bloque Nacionalista Galego

Insua Lema, Óscar e Pérez Fernández, Rosana

Sobre a demanda dirixida á Xunta de Galicia co fin de que axilice os trámites para que as mariscadoras de Camariñas poidan acceder ás axudas por cesamento da actividade

BOPG n.º 332f2, do 11.02.2026​

Sométese a votación e resulta aprobada sen modificacións pola unanimidade dos 16 deputados e deputadas presentes.

O texto aprobado é o seguinte:

"O Parlamento de Galicia insta o Goberno galego a axilizar e aprobar definitivamente a modificación do plan de xestión para moluscos bivalvos (PE403 A 2023/17-1) solicitado pola confraría de Camariñas e comezar a elaborar de forma inmediata un plan global de viabilidade deste plan."​