Parlamento de Galicia
Parlamento de Galicia
A Comisión 4ª, Educación e Cultura, na súa sesión do 22 de xaneiro de 2026, adoptou os seguintes acordos:
Procedementos de control e impulso
Proposicións non de lei en Comisión
Aprobación sen modificacións
- 24253 (12/PNC-002228)
Grupo Parlamentario Popular de Galicia
Vázquez Suárez, Cecilia e 8 máis
Sobre a demanda que a Xunta de Galicia debe trasladar ao Goberno central en relación coa axilización dos trámites para a homologación dos títulos universitarios estranxeiros
BOPG n.º 192f1, do 30.04.2025
Sométese a votación e resulta aprobada sen modificacións por 14 votos a favor, 0 votos en contra e 2 abstencións.
O texto aprobado é o seguinte:
“O Parlamento de Galicia insta a Xunta de Galicia a que solicite ao Goberno de España que incremente, con carácter urxente, a dotación de recursos humanos e materiais co obxectivo de dar resposta eficaz á tramitación das solicitudes de homologación, de declaración de equivalencia ou de validación de títulos universitarios estranxeiros que están pendentes de resolución, tendo en conta ademais as recentes sentenzas do Tribunal Supremo.".
Aprobación por unanimidade con modificacións
- 39038 (12/PNC-003421)
Grupo Parlamentario Popular de Galicia
Pomar Tojo, Carmen María e 8 máis
Sobre a demanda dirixida ao Goberno galego co obxecto de que elabore o Plan de accesibilidade e de inclusión cultural de Galicia
BOPG n.º 290f1, do 26.11.2025
Sométese a votación e resulta aprobada con modificacións respecto do texto orixinal, pola unanimidade dos 16 deputados e deputadas presentes.
O texto aprobado é o seguinte:
“O Parlamento de Galicia insta a Xunta de Galicia a crear o Plan de accesibilidade e de inclusión cultural de Galicia, para cuxas tarefas contará coa participación das entidades, públicas e privadas, máis representativas dos intereses daquelas persoas nas cales concorra algún factor de risco de exclusión cultural, e presentará nos vindeiros catro meses o correspondente calendario de actuación.".
.JPG)
.JPG)
.JPG)
.JPG)
.JPG)