Santalices agradece a Mohamed Mehdi a súa colaboración para tender pontes co pobo saharauí

​ 

• O ata agora delegado do pobo saharauí despediuse oficialmente do presidente do Parlamento

Santiago, 27 de outubro 2025. O presidente do Parlamento de Galicia, Miguel Ángel Santalices Vieira, recibiu hoxe ao ata agora delegado do pobo saharauí en Galicia, Mohamed Mehdi, a quen lle agradeceu a  súa colaboración permanente para desenvolver pontes entre Galicia e a comunidade saharauí.

Mohamed Mehdi informou oficialmente ao xefe do Lexislativo do nomeamento de Aabidim Bucharaya como novo delegado da República Árabe Saharauí para Galicia.

Dentro das actividades que desenvolve a asociación Solidariedade Galega co Pobo Saharui (SOGAPS), o Parlamento recibe anualmente aos nenos e nenas procedentes dos campamentos de refuxiados que son acollidos por familias galegas durante os meses de verán.