Aitor Bouza Manso toma posesión como deputado do Parlamento de Galicia

​

​​Aitor Bouza Manso toma posesión como deputado do Parlamento ​de Galicia

Santiago, 23 de setembro de 2025. O Pleno do Parlamento de Galicia acolleu esta mañá a toma de posesión de Aitor Bouza Manso como deputado do Grupo Parlamentario Socialista. O novo deputado da circunscrición da Coruña substitúe no seu escano a Julio Ernesto Abalde Alonso.

Aitor Bouza Manso (Santiago de Compostela, 1991) é licenciado en Dereito pola USC. Completou a súa formación cun Mestrado en Consultoría, Márketing e Comunicación, así como cun Mestrado en Educación. Conta con diversos cursos de especialización en mediación civil e mercantil, protección de datos, ciberseguridade, dereitos humanos e violencia de xénero.

No eido político, é actualmente secretario xeral do PSdeG en Santiago de Compostela e secretario de Acción Territorial do Partido Socialista de Galicia. Anteriormente, foi secretario xeral das Xuventudes Socialistas de Galicia, así como membro da Comisión Executiva Federal das Ju​ventudes Socialistas de España. Tamén ocupou responsabilidades orgánicas no ámbito provincial do PSdeG.

Saúdos, Gabinete de Comunicación

​