Acordos aprobados na reunión da Comisión 3ª, Economía, Facenda e Orzamentos, celebrada o 26 de xuño de 2025

​

A Comisión 3ª, Economía, Facenda e Orzamentos, na súa sesión do 26 de xuño de 2025, adoptou os seguintes acordos:

Procedementos de control e impulso

Proposicións non de lei en Comisión

Aprobación por unanimidade con modificacións

- 25482 (12/PNC-002354)

Grupo Parlamentario do Bloque Nacionalista Galego

Pérez Fernández, Rosana e Rodil Fernández, Olalla

Sobre a demanda ao Goberno galego do comezo das obras da nova residencia de maiores de Ribeira

BOPG n.º 200f1, do 20.05.2025

Sométese a votación e resulta aprobada con modificacións respecto do texto orixinal, pola unanimidade dos 17 deputados e deputadas presentes.

O texto aprobado é o seguinte:

<O Parlamento de Galicia insta a Xunta de Galicia a asumir como propio o acordo adoptado por unanimidade no Pleno municipal do Concello de Ribeira que tivo lugar con data 26 de maio de 2025 e que na súa literalidade indica:

"O Parlamento de Galicia insta o Goberno da Xunta a:

1- Comunicar polo cauce regulamentario oficial ao goberno Municipal do Concello de Ribeira a nova dada aos medios de comunicación do desistimento da construción da residencia de maiores na parcela cedida polo Concello no lugar de Saíñas.

2- Designar de xeito inmediato os técnicos municipais de Urbanismo e responsábeis do Goberno Municipal do Concello de Ribeira para analizar os criterios técnicos e legais que impedirían a construción da residencia pública no lugar proxectado, dado que non houbo cambios normativos na lexislación vixente e, de ser o caso, axilizar ao máximo a localización dunha nova parcela para a construción da nova residencia pública de maiores de Ribeira.

3- Requirir aos servizos de urbanismo do Concello de Ribeira, de forma inmediata, un informe no que se detalle a situación legal na que se atopa actualmente o proxecto, a normativa aplicable ao mesmo e se é viable a construción segundo a normativa vixente.">​