Acordos aprobados na reunión da Comisión 2ª, Ordenación Territorial, Obras Públicas, Medio Ambiente e Servizos, celebrada o 27 de maio de 2025

A  Comisión 2ª, Ordenación Territorial, Obras Públicas, Medio Ambiente e Servizos, na súa sesión do 27 de maio de 2025, adoptou os seguintes acordos:

Procedementos de control e impulso

Proposicións non de lei en Comisión

Aprobación por unanimidade con modificacións

- 24601 (12/PNC-002264)

Grupo Parlamentario dos Socialistas de Galicia

Castro Rey, Paloma e López Font, Carlos

Sobre as actuacións que a Xunta de Galicia debe levar a cabo co obxecto mellorar a seguridade viaria para  peóns e vehículos na antiga PO-531 entre a igrexa de Curro e a entrada ao polígono industrial, no concello de Barro

BOPG n.º 195f1, do 07.05.2025

Sométese a votación e resulta aprobada con modificacións respecto do texto orixinal, pola unanimidade dos 17 deputados e deputadas presentes.

O texto aprobado é o seguinte:

"O Parlamento galego insta a Xunta de Galicia a:

1. Dirixirse ao Concello de Barro para que formule unha proposta concreta de humanización da antiga PO-531 no treito comprendido entre a Igrexa de Curro e a entrada ao Polígono Industrial, así como do seu financiamento, de modo que poida ser traspasada ao Concello.

2. Retomar o proxecto de mellora da seguridade viaria e senda da PO-531 entre o polígono de Sequeiros e Curro, incluíndo a construción do paso subterráneo no lugar de Bretoña para o tránsito de vehículos agrícolas.

3. Estudar no proxecto a desenvolver como facilitar o acceso peonil á Farmacia de Curro, e proceder ao repintado dos xa existentes na PO-531, garantindo a súa visibilidade e seguridade."

Aprobación por unanimidade sen modificacións

- 22080 (12/PNC-002064)

Grupo Parlamentario Popular de Galicia

Rodríguez Conde, Ángel e 9 máis

Sobre as demandas que a Xunta de Galicia debe dirixir ao Goberno central en relación co proxecto de mellora e humanización do tramo da estrada N-550 ao seu paso polo lugar da Ponte, en Padrón

BOPG n.º 179f1, do 26.03.2025

Sométese a votación e resulta aprobada sen modificacións pola unanimidade dos 17 deputados e deputadas presentes.

O texto aprobado é o seguinte:

"O Parlamento de Galicia insta á Xunta de Galicia a que se dirixa ao Goberno de España para:

1.- Executar con carácter de urxencia as obras de humanización do tramo da estrada N-550 ao seu paso pola Ponte, en Padrón, segundo proxecto aprobado no seu día e non materializado.

2.- Actualizar o proxecto, de ser o caso, incorporando todas as obras necesarias para a mellora da seguridade viaria e peonil, renovación da sinalización e mellora da iluminación deste treito."​​