Acordos aprobados na Comisión 7ª, Agricultura, Alimentación, Gandaría e Montes do 29 de novembro de 2024

​

A  Comisión 7ª, Agricultura, Alimentación, Gandaría e Montes, na súa sesión do 29 de novembro de 2024, adoptou os seguintes acordos:

Procedementos de control e impulso

Proposicións non de lei en Comisión

Aprobación sen modificacións

- 8536 (12/PNC-000881)

Grupo Parlamentario Popular de Galicia

Barreiro Sánchez, Enrique e 8 máis

Sobre a demanda que a Xunta de Galicia debe dirixir ao Goberno de España para que flexibilice os requisitos de benestar animal relativos ao deseño das explotacións

BOPG n.º 68, do 21.08.2024

Sométese a votación e resulta aprobada sen modificacións por 11 votos a favor, 0 votos en contra e 6 abstencións.

O texto aprobado é o seguinte:

“O Parlamento de Galicia insta á Xunta de Galicia a dirixirse ao Goberno de España, en particular ao Ministerio de Agricultura, Pesca e Alimentación, para que materialice canto antes a flexibilización dos requisitos de benestar animal relativos ao deseño das explotacións e se acelere a tramitación e entrada en vigor do real decreto que os modifica."

- 13289 (12/PNC-001263)

Grupo Parlamentario Popular de Galicia

Viso Diéguez, Miguel Ángel e 14 máis

Sobre a demanda que a Xunta de Galicia debe dirixir ao Goberno central en relación co nivel de protección do lobo

BOPG n.º 102f1, do 17.10.2024

Sométese a votación e resulta aprobada sen modificacións por 11 votos a favor, 0 votos en contra e 6 abstencións.

O texto aprobado é o seguinte:

“O Parlamento de Galicia insta á Xunta de Galicia a demandar ao Ministerio para a Transición Ecolóxica e Reto Demográfico a que rectifique a súa decisión de incluír ao “Canis Lupus" (lobo) do Listado de Especies Silvestres en Régimen de Protección Especial (LESPRE) e do Catálogo Español de Especies Amenazadas."​