Acordos da Comisión 2ª, Ordenación Territorial, Obras Públicas, Medio Ambiente e Servizos, celebrada o 11 de xullo de 2024

​

A  Comisión 2ª, Ordenación Territorial, Obras Públicas, Medio Ambiente e Servizos, na súa sesión do 11 de xullo de 2024, adoptou os seguintes acordos:

Procedementos de control e impulso

Proposicións non de lei en Comisión

Aprobación con modificacións

- 5981 (12/PNC-000721)

Grupo Parlamentario Popular de Galicia

Candia López, María Elena e 9 máis

Sobre a demanda dirixida ao Goberno galego co fin de que vele polo estrito cumprimento da normativa aplicable no proxecto da planta de xestión de residuos orgánicos e de biometanización prevista en Coeses, no concello de Lugo

BOPG n.º 43f1, do 26.06.2024

Sométese a votación e resulta aprobada con modificacións respecto do texto orixinal, por 12 votos a favor, 0 votos en contra e 5 abstencións.

O texto aprobado é o seguinte:

"O Parlamento de Galicia insta á Xunta de Galicia

1º.- Velar polo estrito cumprimento da normativa de aplicación no proxecto da planta de xestión de residuos orgánicos e biometanización que prevé emprazarse na parroquia de Coeses (Lugo) prestando especial atención as garantías de carácter medioambiental.

2º.- Dirixirse ao resto das administracións implicadas para que adopten este mesmo rigor e transparencia na tramitación deste expediente e estuden as alegacións presentadas e, conforme á lei, sexan atendidas e tidas en conta".​​

Aprobación por unanimidade con modificacións

- 5332 (12/PNC-000642)

Grupo Parlamentario do Bloque Nacionalista Galego

Taibo Corsanego, Iria e 2 máis

Sobre a demanda dirixida á Xunta de Galicia co obxecto de que encargue neste ano 2024 a redacción do proxecto de remodelación da estrada OU-533, entre A Gudiña e A Rúa, e de que inicie o proceso de contratación das obras

BOPG n.º 37f1, do 12.06.2024

Sométese a votación e resulta aprobada con modificacións respecto do texto orixinal, pola unanimidade dos 17 deputados e deputadas presentes.

O texto aprobado é o seguinte:

"O Parlamento galego insta á Xunta de Galicia a iniciar o proceso de contratación das obras na maior brevidade posible e se inclúa unha partida orzamentaria específica nos orzmentos do 2025 para executar as obras no tramo Viana-A Gudiña".