Parlamento de Galicia
Parlamento de Galicia
A Comisión 1ª, Institucional, de Administración Xeral, Xustiza e Interior, na súa sesión do 3 de xullo de 2024, adoptou os seguintes acordos:
Procedementos de control e impulso
Proposicións non de lei en Comisión
Aprobación por unanimidade con modificacións
- 5848 (12/PNC-000703)
Grupo Parlamentario do Bloque Nacionalista Galego
Suárez Fernández, Iago e Insua Lema, Óscar
Sobre as actuacións que debe levar a cabo o Goberno galego co fin de construír un novo campo de fútbol no concello de Chantada
BOPG n.º 43f1, do 26.06.2024
Sométese a votación e resulta aprobada con modificacións respecto do texto orixinal, pola unanimidade dos 17 deputados e deputadas presentes.
O texto aprobado é o seguinte:
“O Parlamento galego insta á Xunta de Galicia a dirixirse ao Concello de Chantada para:
1º.- Redactar unha memoria valorativa e xustificativa da necesidade de dispoñer dun novo campo de fútbol no municipio.
2º.- Realizar un estudio para elixir o lugar idóneo para a construcción desta infraestrutura deportiva.
3º.- En caso de que se acredite a necesidade e se dispoña do terreo axeitado, buscar un acordo con outras administracións que permita cofinanciar a partes iguais a execución das obras entre a Xunta de Galicia, a Deputación provincial e o propio Concello."
Aprobación por unanimidade sen modificacións
- 5915 (12/PNC-000712)
Grupo Parlamentario Popular de Galicia
Prado del Río, Paula e 7 máis
Sobre a demanda dirixida ao Goberno galego co obxecto de que actualice o Plan especial de protección civil fronte ao risco sísmico en Galicia (Sismigal)
BOPG n.º 43f1, do 26.06.2024
Sométese a votación e resulta aprobada sen modificacións pola unanimidade dos 17 deputados e deputadas presentes.
O texto aprobado é o seguinte:
“O Parlamento de Galicia insta á Xunta de Galicia a actualizar o Plan especial de Protección Civil fronte a riscos sísmicos na Comunidade Autónoma de Galicia (SISMIGAL)."
.JPG?csf=1&e=AxaeZU)
.JPG)