Proposicións non de lei aprobadas polo Pleno do Parlamento de Galicia o 20 de decembro de 2023

​

3.2    62326 (11/PNP-005058)

Grupo Parlamentario Popular de Galicia

Balseiro Orol, José Manuel e 6 máis

Sobre a demanda que a Xunta de Galicia debe dirixir ao Goberno central co obxecto de que non permita a suba das peaxes das autoestradas AP-9 e AP-53

Publicación da iniciativa, BOPG n.º 599, do 22.11.2023

O texto aprobado é o seguinte:

“O Parlamento de Galicia insta a Xunta de Galicia a demandar do Goberno de España que non permita a suba das peaxes das autoestradas AP-9 e AP-53, seguindo o exemplo do acordado polo Goberno galego en relación coa conxelación das peaxes nas estradas autonómicas, e evitar así a súa incidencia negativa nas economías familiares e en sectores económicos estratéxicos nun contexto de elevada suba de prezos".

3.4    62835 (11/PNP-005117)

 Grupo Parlamentario do Bloque Nacionalista Galego

 Pérez Fernández, Rosana e 2 máis

 Sobre as medidas que debe tomar a Xunta en defensa da pesca artesanal e aquelas que debe demandar ao Goberno central co fin de que negocie ante a Comisión Europea unha adaptación do novo Regulamento de control da pesca á realidade do sector en Galicia

 Publicación da iniciativa, BOPG n.º 607, do 05.12.2023

O texto aprobado é o seguinte:

“O Parlamento de Galicia insta o Goberno galego a:

. Demandar do Goberno do Estado español a negociación coa Comisión Europea da adaptación das medidas recollidas no Regulamento de Control á frota galega, nomeadamente:

1-   A exclusión da frota artesanal do mesmo.

2-   A busca de solucións que faciliten a regularización da frota pesqueira galega respecto da potencia dos motores das embarcacións e que eviten a expulsión de buques do mar.

 

3-   A eliminación da retroactividade nas sancións que impediría ter acceso ás axudas FEMPA.

. Esixir do Goberno do Estado todas as actuacións necesarias para a

modificación da definición de frota artesanal recollida na PPC.

. Exercer as súas propias competencias en augas interiores e aplicar as normas de control propias".

3.6    62881 (11/PNP-005124)

Grupo Parlamentario Popular de Galicia

Pazos Couñago, José Alberto

Sobre a proposta de resolución que se presenta en defensa dos valores da Constitución española con motivo do cumprimento do seu cuadraxésimo quinto aniversario

Publicación da iniciativa, BOPG n.º 607, do 05.12.2023

O texto aprobado é o seguinte:

“O Parlamento de Galicia manifesta, ao cumprirse o 45º aniversario da Constitución Española, o seu compromiso e apoio á plena vixencia da nosa Carta Magna e do Estatuto de Autonomía de Galicia e, polo tanto, o seu rexeitamento a calquera iniciativa que promova a ruptura do marco de convivencia democrática e de igualdade que nos demos os españois e os galegos -garantía do autogoberno de Galicia- ou que cuestione a continuidade da Monarquía Parlamentaria".

Saúdos, Gabinete de Comunicación.​​

​