Parlamento de Galicia
Parlamento de Galicia
A Comisión 4ª, Educación e Cultura, na reunión do 13 de decembro de 2023, adoptou os seguintes acordos:
Procedementos de natureza normativa
Proxecto de lei
Designación da Ponencia
- 61134 (11/PL-000026)
Presidencia da Xunta de Galicia
Proxecto de lei de cultura inclusiva e accesible de Galicia
BOPG n.º 581, do 18.10.2023
G.P. Popular de Galicia (P)
Don José Luis Ferro Iglesias (titular)
Dona Teresa Egerique Mosquera (suplente)
G.P. do Bloque Nacionalista Galego (BNG)
Dona Mercedes Queixas Zas (titular)
Don Daniel Castro Garcia (suplente)
G.P. dos Socialistas de Galicia (S)
Dona Noa Susana Díaz Varela (titular)
Dona Noelia Otero Lago (suplente)
Procedementos de control e impulso
Proposicións non de lei en Comisión
Aprobación sen modificacións
- 61054 (11/PNC-005108)
Grupo Parlamentario do Bloque Nacionalista Galego
Fernández Davila, María Cristina e 2 máis
Sobre a demanda que a Xunta debe dirixir ao Goberno central para que modifique as condicións de acceso ás bolsas e axudas ao estudo establecidas no Real decreto 117/2023, do 21 de febreiro, para o curso 2023/2024
BOPG n.º 581, do 18.10.2023
Sométese a votación e resulta aprobada sen modificacións por 10 votos a favor, 0 votos en contra e 2 abstencións.
O texto aprobado é o seguinte:
"O Parlamento de Galicia insta a Xunta de Galicia a demandar do Goberno do Estado, e en concreto do Ministerio de Educación e FP, que modifique as condicións de acceso ás bolsas e axudas ao estudo do Ministerio de Educación e FP nas vindeiras convocatorias, co fin de que os umbrais establecidos como topes máximos en ingresos por actividades económicas, se modifiquen, no sentido de atender aos beneficios netos reais, derivados de tales actividades económicas".
Aprobación por unanimidade sen modificacións
- 62201 (11/PNC-005228)
Grupo Parlamentario Popular de Galicia
López Sánchez, Rosalía e 7 máis
Sobre a demanda que a Xunta de Galicia debe dirixir ao Goberno central co obxecto de reclamarlle o cumprimento da sentenza do Tribunal Supremo referida ás condicións de acceso do colectivo con TDAH ás bolsas para alumnado con necesidades específicas de apoio educativo
BOPG n.º 599, do 22.11.2023
Sométese a votación e resulta aprobada sen modificacións pola unanimidade dos 12 deputados e deputadas presentes.
O texto aprobado é o seguinte:
“O Parlamento de Galicia insta á Xunta de Galicia a dirixirse ao Goberno de España para reclamarlle o cumprimento da sentenza do Tribunal Supremo pola que terá que outorgar a aqueles nenos e nenas con TDAH que lles corresponda as bolsas para o alumnado con necesidades específicas de apoio educativo aínda que non teñan acreditado o 33% de discapacidade".
.JPG)
.JPG)