Acordos da Comisión 7ª, Agricultura, Alimentación, Gandaría e Montes, celebrada o 10 de novembro de 2023

A  Comisión 7ª, Agricultura, Alimentación, Gandaría e Montes, na súa sesión do 10 de novembro de 2023, adoptou os seguintes acordos:

Procedementos de control e impulso

Proposicións non de lei en Comisión

Aprobación por unanimidade sen modificacións

- 58537 (11/PNC-004888)

Grupo Parlamentario Popular de Galicia

Armada Pérez, José Antonio e 6 máis

Sobre a demanda dirixida á Xunta de Galicia para que impulse na construción de edificios do Goberno galego, co obxectivo do fomento dunha construción sustentable, a obrigatoriedade do uso de madeira estrutural

BOPG n.º 557, do 07.09.2023

Sométese a votación e resulta aprobada sen modificacións pola unanimidade dos 12 deputados e deputadas presentes.

O texto aprobado é o seguinte:

“O Parlamento de Galicia insta á Xunta de Galicia a impulsar unha guía que recolla a obrigatoriedade da construción de edificios do Goberno galego incluíndo a madeira para usos estruturais cando menos nun 20% das novas licitacións públicas".

- 58541 (11/PNC-004891)

Grupo Parlamentario Popular de Galicia

Armada Pérez, José Antonio e 6 máis

Sobre a demanda á Xunta de Galicia do impulso dun plan estratéxico de fomento e xestión das masas de coníferas

BOPG n.º 557, do 07.09.2023

Sométese a votación e resulta aprobada sen modificacións pola unanimidade dos 12 deputados e deputadas presentes.

O texto aprobado é o seguinte:

"O Parlamento de Galicia insta ó Goberno Galego a impulsar un Plan estratéxico de fomento e xestión das masas de coníferas".