Parlamento de Galicia
Parlamento de Galicia
A Comisión 4ª, Educación e Cultura, na súa sesión do 29 de setembro de 2023, adoptou os seguintes acordos:
Procedementos de control e impulso
Proposicións non de lei en Comisión
Aprobación con modificacións
- 58512 (11/PNC-004885)
Grupo Parlamentario Popular de Galicia
Díaz Mouteira, María Sol e 6 máis
Sobre a demanda dirixida á Xunta de Galicia para que dote os centros educativos de Galicia de mecanismos e ferramentas a favor da boa convivencia, da ausencia de discriminación e contra o acoso
BOPG n.º 557, do 07.09.2023
Sométese a votación e resulta aprobada con modificacións respecto do texto orixinal, por 9 votos a favor, 0 votos en contra e 3 abstencións.
O texto aprobado é o seguinte:
“O Parlamento de Galicia insta á Xunta a que dote aos centros educativos de Galicia de mecanismos e ferramentas que axuden á prevención, denuncia e tratamento de calquera situación contraria á convivencia, con especial atención ao acoso nas aulas ou a través de medios tecnolóxicos.
Os plans ou medidas que desenvolva o Goberno galego incorporarán, na medida das posibilidades de execución e financiamiento, cuestión como:
- Campañas de sensibilización para que as redes sociais non sexan só parte do problema senón parte da solución.
- A posibilidade de crear nos centros educativos puntos físicos e telemáticos de denuncia de casos de acoso escolar e/ou ciberacoso.
- O reforzo da figura dos titores de grupo nos centros e o recurso de titorías entre iguais".
Aprobación por unanimidade sen modificacións
- 58545 (11/PNC-004961) e corrección de erros 59428
Grupo Parlamentario Popular de Galicia
Ferro Iglesias, José Luis e 6 máis
Sobre a demanda que a Xunta de Galicia debe dirixir ao Goberno central para que remita as reproducións de toda a documentación eclesiástica, pía e asistencial galega froito das desamortizacións do século XIX que obra en poder do Estado
BOPG n.º 556, do 06.09.2023
Sométese a votación e resulta aprobada sen modificacións respecto do texto orixinal, pola unanimidade dos 12 deputados e deputadas presentes.
O texto aprobado é o seguinte:
“O Parlamento de Galicia insta a Xunta de Galicia a que demande do Goberno de España a remisión á administración autonómica, no prazo dun ano, das reproducións de toda a documentación eclesiástica, pía e asistencial galega que obra no poder do Estado froito das desamortizacións do século XIX, co obxectivo de poñelas a disposición dos investigadores galegos nas institucións correspondentes"
.JPG)