Parlamento de Galicia
Parlamento de Galicia
A Comisión 6ª, Industria, Enerxía, Comercio e Turismo, na súa sesión do 14 de xullo de 2023, adoptou os seguintes acordos:
Procedementos de control e impulso
Proposicións non de lei en Comisión
Aprobación sen modificacións
- 54251 (11/PNC-004667)
Grupo Parlamentario Popular de Galicia
Sanz Arias, Cristina e 6 máis
Sobre as accións que a Xunta de Galicia debe levar a cabo ante as demandas do sector industrial con instalacións de coxeración respecto da actualización da súa regulación
BOPG n.º 506, do 14.06.2023
Sométese a votación e resulta aprobada sen modificacións por 10 votos a favor, 2 votos en contra e 0 abstencións.
O texto aprobado é o seguinte:
“O Parlamento de Galicia insta á Xunta de Galicia a dirixirse ao Goberno de España para solicitarlle que aprobe, con carácter inmediato, a orde coa metodoloxía para actualizar a retribución á operación das instalacións de coxeración, tendo en conta as achegas realizas tanto pola administración autonómica como polo sector industrial que fai uso desta tecnoloxía."
Aprobación por unanimidade con modificacións
- 53939 (11/PNC-004634)
Grupo Parlamentario dos Socialistas de Galicia
Gallego Sanromán, María Leticia e 2 máis
Sobre determinadas medidas que debe adoptar a Xunta de Galicia para loitar contra o aumento da delincuencia asociada ás novas tecnoloxías
BOPG n.º 502, do 07.06.2023
Sométese a votación e resulta aprobada con modificacións respecto do texto orixinal, pola unanimidade dos 12 deputados e deputadas presentes.
O texto aprobado é o seguinte:
“O Parlamento galego insta a Xunta de Galicia a:
A) Dar cumprimento da resolución aprobada por unanimidade na Comisión 6ª o 24 de febreiro de 2022 que recollía:
“1. Elaborar medidas en ciberseguridade para as Pemes galegas en colaboración coas diferentes administracións responsables con capacidade e competencias para facer fronte á ciberdelicuencia.
2. Elaborar medidas en ciberseguridade para os pequenos concellos en colaboración coas diferentes administracións responsables con capacidade e competencias para facer fronte á ciberdelicuencia.
3. Incorporar na Estratexia galega de ciberseguridade plans de formación contando co tecido empresarial e coas universidades e sensibilizar na educación secundaria sobre as saídas laborais en ciberseguridade."
B) Realizar unha campaña dirixida a toda a sociedade galega para previr os ciberataques e atallar a ciberdelincuencia e, nomeadamente, acadar a concienciación dos cargos públicos e da dirección de empresas na necesidade de ser proactivos nesta problemática."
Aprobación por unanimidade sen modificacións
- 54256 (11/PNC-004669)
Grupo Parlamentario Popular de Galicia
Sanz Arias, Cristina e 6 máis
Sobre determinadas medidas que a Xunta de Galicia debe reclamar ao Goberno do Estado canto á política de axudas á industria electrointensiva
BOPG n.º 506, do 14.06.2023
Sométese a votación e resulta aprobada sen modificacións pola unanimidade dos 12 deputados e deputadas presentes.
O texto aprobado é o seguinte:
“O Parlamento de Galicia insta á Xunta de Galicia a solicitar ao Goberno de España que:
1.- Incremente a dotación presupuestaria máxima permitida pola normativa europea para a compensación dos custos de CO2 da industria electrointensiva
2.- Acelere a aprobación das convocatorias do PERTE anunciado para á descarbonización da industria electrointensiva."
- 54649 (11/PNC-004705)
Grupo Parlamentario do Bloque Nacionalista Galego
González Iglesias, Carmela e 2 máis
Sobre as actuacións que debe levar a cabo a Xunta de Galicia respecto da situación en que se atopa a negociación do convenio colectivo do sector do metal da provincia de Pontevedra
BOPG n.º 514, do 28.06.2023
Sométese a votación e resulta aprobada sen modificacións pola unanimidade dos 12 deputados e deputadas presentes.
O texto aprobado é o seguinte:
“O Parlamento insta a Xunta de Galiza a implicarse de maneira activa e decidida para desbloquear a negociación do convenio colectivo do sector do metal da provincia de Pontevedra co obxectivo de garantir a mellora das condicións laborais e salariais dos traballadores e traballadoras. Para isto, o Goberno galego convocará de maneira inmediata a todas as partes (organizacións sindicais e patronal) a unha mesa de diálogo."
Procedementos de elección, designación e proposta nomeamento
Elección membros da Mesa
Elección de presidente
- (11/CEEM-000047)
Comisión 6ª, Industria, Enerxía, Comercio e Turismo
Elección de Presidente da Comisión
D. Moisés Rodríguez Pérez (P)
Santiago de Compostela, 17 de xullo de 2023
.jpg)
.JPG)
.JPG)
.JPG)