Parlamento de Galicia
Parlamento de Galicia
A Comisión 1ª, Institucional, de Administración Xeral, Xustiza e Interior, na súa sesión do 29 de decembro de 2022, adoptou os seguintes acordos:
Procedementos de control e impulso
Proposicións non de lei en Comisión
Aprobación por unanimidade sen modificacións
- 39870 (11/PNC-003525)
Grupo Parlamentario Popular de Galicia
Prado del Río, Paula e 6 máis
Sobre as actuacións que debe desenvolver a Xunta de Galicia co fin de acadar unha óptima coordinación na mobilización dos recursos de emerxencia
BOPG n.º 375, do 07.09.2022
Sométese a votación e resulta aprobada sen modificacións pola unanimidade dos 12 deputados e deputadas presentes.
O texto aprobado é o seguinte:
“O Parlamento de Galicia Insta á Xunta de Galicia a levar a cabo simulacros de implantación dos plans de protección civil aprobados pola Xunta de Galicia, co gallo de acadar unha óptima coordinación na mobilización dos recursos de emerxencia e así dar unha mellor resposta á poboación no caso de emerxencias que requiran a activación destes plans."
- 43640 (11/PNC-003842)
Grupo Parlamentario dos Socialistas de Galicia
Arangüena Fernández, Pablo e Castro Rey, Paloma
Sobre as actuacións que debe levar a cabo o Goberno galego para facilitar ao Parlamento de Galicia unha relación das axudas, ingresos e garantías obtidos polo xornal "El Correo Gallego" entre os anos 2009 e 2022
BOPG n.º 412, do 22.11.2022
Sométese a votación e resulta aprobada sen modificacións pola unanimidade dos 12 deputados e deputadas presentes.
O texto aprobado é o seguinte:
"O Parlamento de Galicia insta o Goberno galego a que lle facilite a esta Cámara:
1) Unha relación detallada das axudas, ingresos e garantías de calquera tipo obtidos polo xornal El Correo Gallego da Xunta e entidades ou empresas dela dependentes, incluíndo o Igape e XesGalicia, entre os anos 2009 e 2022, con especificación do concepto de cada unha desas axudas, ingresos ou garantías, así como copia dos acordos que fundamentan esas axudas, ingresos ou garantías e dos informes que se tiveran en conta para a súa adopción.
2) Unha estimación dos importes adebedados polo Correo Gallego á Xunta e ás súas entidades e empresas dependentes e da porcentaxe que prevén recuperar deses importes".
