Parlamento de Galicia
Parlamento de Galicia
A Comisión 8ª, Pesca e Marisqueo, na súa sesión do 15 de febreiro de 2022, adoptou os seguintes acordos:
Procedementos de control e impulso
Proposicións non de lei en Comisión
Aprobación por unanimidade sen modificacións
- 28210 (11/PNC-002571)
Grupo Parlamentario dos Socialistas de Galicia
Torrado Quintela, Julio e 2 máis
Sobre as actuacións que debe levar a cabo a Xunta de Galicia respecto da dotación orzamentaria para o centro Intecmar
BOPG n.º 264, do 26.01.2022
Sométese a votación e resulta aprobada sen modificacións pola unanimidade dos 12 deputados e deputadas presentes.
O texto aprobado é o seguinte:
"O Parlamento de Galicia insta a Xunta de Galicia a aumentar a dotación orzamentaria para elevar o volume de persoal investigador no centro Intecmar durante o ano 2022, co compromiso de facelo mediante contratación estable que manteña estas contratacións nos seguintes anos."
- 28507 (11/PNC-002594)
Grupo Parlamentario Popular de Galicia
Egerique Mosquera, Teresa e 6 máis
Sobre a demanda da Xunta de Galicia ao Goberno de España para que tome unha decisión co fin de definir e determinar as cotas de comercialización do marraxo para 2022
BOPG n.º 264, do 26.01.2022
Sométese a votación e resulta aprobada sen modificacións pola unanimidade dos 12 deputados e deputadas presentes.
O texto aprobado é o seguinte:
"O Parlamento de Galicia insta a Xunta de Galicia a esixir ao Goberno de España a que tome de inmediato una decisión para definir e determinar os cupos de comercialización do marraxo para 2022 e non xerar así un agravio comparativo para a nosa frota respecto doutros países, así como que estenda esta medida con carácter retroactivo para permitir comercializar as capturas efectuadas en 2020 e 2021 nas mesmas circunstancias que os restantes Estados membros da Unión Europea."
- 28509 (11/PNC-002595)
Grupo Parlamentario Popular de Galicia
Egerique Mosquera, Teresa e 6 máis
Sobre a demanda da Xunta de Galicia ao Goberno de España para que inicie o proceso de revisión dos coeficientes redutores dos traballadores e traballadoras do mar e os adapte ás circunstancias actuais da frota e da actividade marítimo-pesqueira, marisqueira e acuícola
BOPG n.º 264, do 26.01.2022
Sométese a votación e resulta aprobada sen modificacións pola unanimidade dos 12 deputados e deputadas presentes.
O texto aprobado é o seguinte:
"O Parlamento de Galicia insta a Xunta de Galicia a dirixirse ao Goberno de España para instalo a iniciar o proceso de revisión dos coeficientes redutores dos traballadores e traballadoras do mar, adecuando os mesmos ás circunstancias actuais da frota e da actividade marítimo-Pesqueira, marisqueira e acuícola."
- 29923 (11/PNC-002676)
Grupo Parlamentario do Bloque Nacionalista Galego
Pérez Fernández, Rosana e 2 máis
Sobre a demanda por parte do Goberno galego ao Goberno do Estado da comunicación das cotas CITES para 2022 ao sector pesqueiro do marraxo
BOPG n.º 274, do 09.02.2022
Sométese a votación e resulta aprobada sen modificacións pola unanimidade dos 12 deputados e deputadas presentes.
O texto aprobado é o seguinte:
"O Parlamento galego insta o goberno da Xunta de Galicia a demandar do Estado español a:
1. Comunicar de inmediato os cupos CITES para 2022 ao sector pesqueiro afectado.
2. Confirmar por escrito ao sector que existe coordinación entre o Ministerio de Pesca e o de Transición Ecolóxica, que debe ser recoñecida expresamente por ambas as dúas partes, na xestión dos cupos e uso dos certificados.
3. Despexar definitivamente se as cantidades de marraxo capturado legalmente no ano 2021 en proceso de estar en depósito aduaneiro, así como as que xa o están, e que continúan pendentes de certificación, poderán facelo con cargo aos cupos de 2022."
1. Comunicar de inmediato os cupos CITES para 2022 ao sector pesqueiro afectado.
2. Confirmar por escrito ao sector que existe coordinación entre o Ministerio de Pesca e o de Transición Ecolóxica, que debe ser recoñecida expresamente por ambas as dúas partes, na xestión dos cupos e uso dos certificados.
3. Despexar definitivamente se as cantidades de marraxo capturado legalmente no ano 2021 en proceso de estar en depósito aduaneiro, así como as que xa o están, e que continúan pendentes de certificación, poderán facelo con cargo aos cupos de 2022."
