Acordos da Comisión 5ª, Sanidade, Política Social e Emprego, celebrada o 11 de novembro de 2021

A  Comisión 5ª, Sanidade, Política Social e Emprego, na súa sesión do 11 de novembro de 2021, adoptou os seguintes acordos:

 

 

 

 

Sométese a votación e resulta aprobada sen modificacións por 7 votos a favor, 0 votos en contra e 5 abstencións.

 

O texto aprobado é o seguinte:

 

"O Parlamento de Galicia insta á Xunta de Galicia a poñer en marcha Servizos de conciliación en contornas laboráis, contando coa implicación do tecido empresarial e cos concellos, co fin de facilitar a conciliación familiar e laboral".

 

 

 

Sométese a votación e resulta aprobada sen modificacións pola unanimidade dos 12 deputados e deputadas presentes.

 

O texto aprobado é o seguinte:

 

"O Parlamento galego insta a Xunta de Galicia a adoptar as medidas necesarias en termos de recursos materiais e humanos para resolver, na maior brevidade posible, as eivas e graves deficiencias detectadas polo Mecanismo Nacional de Prevención da Tortura na súa visita ao centro hospitalario de Conxo, para resolver os problemas relacionados co seguimento, vixilancia, ingreso e calidade asistencial das persoas alí ingresadas."

 

 

Sométese a votación e resulta aprobada sen modificacións pola unanimidade dos 12 deputados e deputadas presentes.

 

O texto aprobado é o seguinte:

 

“O Parlamento insta a Xunta de Galicia a:

1º.- Realizar plans de formación máis exhaustivos e atendendo á realidade do colectivo LGBT para todas as categorías profesionais dentro do Sergas, garantindo unha información rigorosa e libre de prexuízos.

2º.- Revisar os plans de saúde aprobados dentro do Sergas, dotándoos dunha perspectiva de xénero e diversidade sexual. Neste sentido, cómpre eliminar as asociacións entre LGBT e ITS e corrixir a clasificación de colectivos de risco cando deberan ser clasificadas as prácticas de risco.

3º.- Realizar campañas divulgativas de educación sexual, sobre todo entre a mocidade, desde unha perspectiva inclusiva e non estigmatizante, que promovan unha mellora na saúde sexual da poboación lonxe de prexuízos e moralismos.

4º.- Realizar todas as actuacións oportunas para garantir a erradicación da LGBTfobia en todas as súas formas dentro do Sergas, prestando atención ás denuncias do colectivo trans [....].”