Proposicións non de lei aprobadas polo Pleno do Parlamento de Galicia o 29 de setembro de 2021

 

O texto aprobado é o seguinte:

 

“O Parlamento de Galicia insta a Xunta de Galicia a:

 

1º.- A demandar ao Goberno de España, en colaboración co Banco de España e a CNMC, a elaboración dun estudo sobre a situación do mercado financeiro en España desde o punto de vista da  concentración bancaria, da competencia e do acceso aos servicios financeiros, especialmente nas zonas rurais, e as súas consecuencias no seu desenvolvemento económico e social.

 

2º- A demandar ao Goberno de España, en coordinación coas administracións autonómicas e locais, a posta en marcha dun plan estatal contra a exclusión financeira, con medidas que faciliten o acceso da poboación aos servizos financeiros.

Entre estas medidas estaría a de impulsar unha normativa que regule a prestación universal de servicios financeiros básicos ou esenciais, de xeito que se garanta á súa prestación para todos os usuarios, con independencia do seu lugar de residencia, cunha calidade determinada e a un prezo asequible.

 

3º.- En tanto en canto non estea aprobada unha estratexia estatal de loita contra a exclusión financeira, a continuar impulsando, xunto coas  administracións locais galegas e en colaboración coas entidades financeiras que operan en Galicia, medidas que faciliten o acceso da poboación aos servizos financeiros”.

 

 

O texto aprobado é o seguinte:

 

 “O Parlamento de Galicia insta á Xunta de Galicia a demandar ao Goberno de España o establecemento de bonificacións nas peaxes da autoestrada estatal AP-53, vertebra o interior de Galicia, comunicando Santiago e Ourense, similares ás que se veñen de aplicar na AP-9, tendo especialmente en conta, aos usuarios recorrentes e aos transportistas e incluíndo ás familias numerosas”. 

 

Saúdos, Gabinete de Comunicación.