Acordos da Comisión 6ª, Industria, Enerxía, Comercio e Turismo, celebrada o 3 de febreiro de 2021

A Comisión 6ª, Industria, Enerxía, Comercio e Turismo, na súa sesión do 3 de febreiro de 2021, adoptou os seguintes acordos:

 

 

 

 

 

Sométese a votación e resulta aprobada sen modificacións por 10 votos a favor, 2 votos en contra e 0 abstencións.

 

O texto aprobado é o seguinte:

 

"O Parlamento de Galicia insta a Xunta de Galicia a impulsar novas iniciativas e instrumentos de valorización dos resultados científico-tecnolóxicos e de transferencia dos resultados da I+D ao mercado, a través da continuidade dos mecanismos de financiamento, fortalecendo as capacidades organizativas e profesionais das estruturas e dos centros, impulsando una cultura de transferencia na comunidade investigadora, incentivando a función de transferencia de coñecemento, mellorando as capacidades dos nosos xestores de transferencia ou establecendo mecanismos de monitoraxe da transferencia."

 

 

 

Sométese a votación separada por puntos e resulta aprobada con modificacións respecto do texto orixinal:

Punto 1, aprobado por unanimidade

Punto 2. a), rexeitado  por 5 votos a favor,  7 votos en contra e 0 abstencións

Punto 2. b) e c) aprobados por unanimidade

 

O texto aprobado é o seguinte:

 

"O Parlamento de Galicia insta a Xunta de Galicia a:

 

1. Solicitar a súa entrada no Consello de Administración de Navantia conforme ao establecido no artigo 55 do Estatuto de Autonomía de Galicia.

 

2. Demandar do Goberno do Estado a constitución dunha mesa de ámbito galego para a promoción da diversificación de actividades nos estaleiros de Navantia ría de Ferrol, e nomeadamente:

 

a) Dotar a fábrica de turbinas de dirección e recursos propios suficientes para definición de novos productos destinados ao sector das enerxías renovábeis en xeral, para fomentar a súa introducción e participación nos contratos da eólica mariña en particular.

 

b) Introducir tamén á fábrica de turbinas naqueles segmentos de actividade relacionados cos novos modelos sustentábeis de mobilidade marítima, procurándose as colaboracións con centros de investigación ou empresas que fosen precisas".