saltar ao contido

A convocatoria de bolsas de formación do Parlamento inclúe unha praza para persoas con dispacacidade intelectual

 
• Tamén se convocan sete bolsas para a formación práctica de persoas con titulación universitaria nos ámbitos de arquivo, biblioteca e documentación; comunicación institucional, publicacións, recursos técnicos e contratación; e  xestión parlamentaria

Santiago, 16 de febreiro de 2018.- A convocatoria de bolsas para a formación práctica no Parlamento de Galicia deste ano inclúe unha praza reservada a persoas con discapacidade intelectual, así como outras sete orientadas a persoas con titulación universitaria.
 
As bases da convocatoria poden consultarse no Boletín Oficial do Parlamento de Galicia do pasado luns (https://goo.gl/rp8cEP)  e na propia web do Parlamento. As solicitudes poderán presentarse nos quince días naturais contados a partir da publicación da convocatoria no Diario Oficial de Galicia, publicación que se efectuará en breve. As titulacións dos aspirantes terán que ser obtidas no ano académico 2011-2012 ou posteriores.
 
As bolsas  dirixidas a persoas con titulación universitaria ofrecerán formación práctica en materia de arquivo, biblioteca e documentación (2 bolsas); comunicación institucional (1); publicacións (2); recursos técnicos e contratación (1); e xestión parlamentaria (1).
A bolsa para persoas con discapacidade intelectual ofrecerá formación práctica en asistencia administrativa e servizos comúns e está orientada a persoas que rematasen os estudos obrigatorios e teñan recoñecida oficialmente unha discapacidade intelectual igual ou superior ao 33% e a compatibiildade co desempeño das tarefas e funcións correspondentes.
 
A convocatoria desta bolsa enmácase no compromiso expresado polo presidente do Parlamento, Miguel Ángel Santalices Vieira, de apoiar e dar visibilidade á inserción laboral das persoas con discapacidade. Esta iniciativa súmase á convocatoria dunha praza de uxier en   réxime   interino reservada   para   ser   cuberta   por   persoas   que   acrediten   algunha   discapacidade  intelectual, que actualmente se atopa en fase de selección.

Imaxes relacionadas

saltar ao pe de páxina