Santiago, 31 de marzo de 2017.- O Parlamento de Galicia publicou hoxe, no Boletín Oficial da Cámara e no portal de transparencia, as declaracións de bens e actividades dos deputados e deputadas da X Lexislatura, unha vez completados os trámites preceptivos. Tamén se publican as declaracións orixinarias e por cesamento na condición de deputado/a correspondentes á IX Lexislatura.
Coa publicación destas declaracións dase cumprimento ao disposto no artigo 15.5 do Regulamento do Parlamento de Galicia, que sinala que o contido das declaracións sobre actividades e bens será público a través do Boletín Oficial do Parlamento de Galicia e do portal de transparencia da Cámara, agás os datos referentes á localización dos bens inmobles e mais aqueloutros que a Mesa acorde omitir para salvaguardar a privacidade e seguridade dos seus titulares.
A obriga de publicar as declaracións foi incorporada ao Regulamento da Cámara na reforma aprobada en agosto de 2015.
Na pasada Lexislatura, antes da reforma do Regulamento que obriga á publicación destes datos, as declaracións divulgáronse por acordo da Mesa e Xunta de Portavoces.
As declaracións de bens e actividades pódense consultar nos seguintes enlaces:
Saúdos, Gabinete de Comunicación do Parlamento de Galicia.
Parlamento de Galicia
