Moción aprobada polo Pleno do Parlamento de Galicia, do 9 de marzo de 2011
3.3 08/MOC-0098 (60853)
Grupo Parlamentario dos Socialistas de Galicia
Tomé Roca, José
Sobre a modificación dos criterios establecidos para a repartición aos concellos para o ano 2011 das contías dos programas de cooperación destinados ao fomento do emprego.
(Moción, a consecuencia da Interpelación núm. 57835, publicada no BOPG núm. 401, do 02.02.2011, e debatida na sesión plenaria do 22.02.2011)
O texto aprobado é o seguinte:
“O Parlamento insta a Xunta de Galicia a continuar mellorando os programas de cooperación local contando coa colaboración dos representantes das entidades locais que poden ser beneficiarias destas liñas de axudas, nomeadamente a Fegamp, para que, priorizando o necesario reequilibrio e a solidariedade territorial, se proceda:
a.- Dentro do proceso de redacción, a definir os criterios de distribución destas axudas entre as diferentes entidades tendo en conta o número de parados, a evolución deste paro e a evolución da poboación e a economía local, primando os proxectos que contemplen profesións que favorezan a inserción laboral.
b.- Á elaboración dun baremo de criterios que sirva de base para futuras convocatorias destas liñas de axudas, nas que primen a calidade dos proxectos presentados polos concellos atendendo as actividades que teñan relación coa innovación e as novas tecnoloxías”.
Santiago de Compostela, 9 de marzo de 2011
Imaxes Relacionadas
