Santalices: “profesamos a fe galeguista, a máis grande militancia que un galego de ben pode profesar”

 
 
• O presidente do Parlamento participou, en Vigo, na entrega do premio “Voz de Liberdade”, outorgado polo Centro Pen Galicia a Méndez Ferrín
 
Santiago, 5 de decembro de 2017.- O presidente do Parlamento de Galicia, Miguel Ángel Santalices Vieira, participou esta tarde en Vigo, no acto de entrega do VIII Premio “Voz de Liberdade” 2017, outorgado polo Centro Pen Galicia ao escritor Xosé Luis  Méndez Ferrín como recoñecemento á defensa do galego e da liberdade de expresión.
 
Na intervención de peche do acto, Santalices apuntou que o galardón distingue a un ”patriota da lingua” e a “un dos mellores escritores galegos contemporáneos, traducido a moitas linguas, e probablemente tamén o escritor galego máis veces proposto para o Premio Nóbel”.
 
Militancia galeguista
 
O presidente do Parlamento recoñeceu, referíndose a Méndez Ferrín que “os dous profesamos a fe galeguista, e isa é a máis grande militancia que un galego de ben pode profesar”.
 
Apuntou Santalices que entre os fondos documentais que custodia o Parlamento se atopa un feixe de cartas remitidas por Otero Pedrayo a Carballo Calero a finais dos anos 50. Nunha delas, Otero Pedrayo informa ao destinatario que coñecera  unha nova xeración universitaria integrada por “mociños” como Méndez Ferrín e felicítase porque considera que con eles está asegurado o porvir do galeguismo.
 
O titular do Lexislativo galego recordou a súa aposta por “abrir o Parlamento. Queremos que a xente nos visite e nos coñeza. E tamén que o Parlamento estea coa xente”.
 
Saúdos, Gabinete de Comunicación do Parlamento de Galicia.
 

Imaxes Relacionadas

Outras novas


Emisións en directo

Non temos emisións en directo neste momento.

Axenda

Na axenda atopará as ordes do día e a documentación das sesións desta Cámara, tamén poderá consultar o arquivo multimedia das sesións xa celebradas.

Calendario

MARTES 12
decembro de 2017
lunsmarmérxovvensábdom
123
45678910
11121314151617
18192021222324
25262728293031
<< novembro| xaneiro >>

Información das Sesións

Lista de sesións do día 12/12/2017


© Parlamento de Galicia, 2011 | Rúa do Hórreo, 63 - 15701 Santiago de Compostela | Tel.: 981 551 300 Fax: 981 551 408