Santalices alenta a autoestima galega e sinala que “sobran razóns para presumir do que somos e do que temos”


 
 
• O presidente do Parlamento participou na inauguración dunha exposición de homenaxe a Alfonso Sucasas no Museo de Belas Artes da Coruña
 
Santiago, 1 de decembro de 2017.- “En ocasións de máis, os galegos pecamos de exceso de victimismo, dunha baixa autoestima, cando a realidade é que sobran razóns para presumir do que somos e do que temos”. Así o manifestou esta tarde o presidente do Parlamento de Galicia, Miguel Ángel Santalices Vieira, no transcurso do acto inaugural cunha exposición de homenaxe a Alfonso Sucasas no Museo de Belas Artes da Coruña.
 
Para sustentar esta afirmación, Santalices lembrou, a modo de exemplo, que Galicia alberga a sede da principal multinacional téxtil do mundo e que conta con artistas de talla internacional, como Alfonso Sucasas, protagonista da mostra aberta hoxe. “Hoxe falamos de Sucasas –dixo-, pero poderiamos falar de moitos máis, varios deles vivos e con presenza e cotización nos máis destacados circuítos da arte internacional”.
 
O presidente do Parlamento definiu a Sucasas como un “artista galego de proxección universal, un clásico contemporáneo da plástica galega” e felicitou  á Consellería de Cultura por organizar a mostra e á cidade da Coruña  por acollela.
 
Saúdos, Gabinete de Comunicación do Parlamento de Galicia.

Imaxes Relacionadas

Outras novas


Emisións en directo

Non temos emisións en directo neste momento.

Axenda

Na axenda atopará as ordes do día e a documentación das sesións desta Cámara, tamén poderá consultar o arquivo multimedia das sesións xa celebradas.

Calendario

MARTES 12
decembro de 2017
lunsmarmérxovvensábdom
123
45678910
11121314151617
18192021222324
25262728293031
<< novembro| xaneiro >>

Información das Sesións

Lista de sesións do día 12/12/2017


© Parlamento de Galicia, 2011 | Rúa do Hórreo, 63 - 15701 Santiago de Compostela | Tel.: 981 551 300 Fax: 981 551 408