Diego Calvo: “Todos os días son propicios para chamar a atención e reflexionar sobre a situación e necesidades da infancia”

• O Pazo do Hórreo acolleu o IV Foro de Participación Infantil Parlamento de Galicia-UNICEF no que o vicepresidente da Cámara chama a atención sobre a “realidade descarnada que, por desgraza, protagonizan de cote milleiros de nenas e nenos de todo mundo

Santiago, 2 de decembro de 2016.- “Se ben este pleno infantil se celebra una vez ao ano, todos os días son propicios para chamar a atención e para reflexionar sobre a situación e sobre as necesidades da infancia, especialmente sobre aquelas nenas e nenos que se atopan en situacións de maior vulnerabilidade e respecto aos que –quenes vivimos nunha situación acomodada, o denominado primeiro mundo- temos contraída unha obriga moral de atención e colaboración, que ben se pode canalizar a través de UNICEF ou de calquera outra ONG que traballe neste ámbito”. Son palabras do vicepresidente primeiro da Cámara galega, Diego Calvo Pouso, no IV Foro Infantil Parlamento de Galicia-UNICEF, no ano no que se celebra o 27 aniversario da Convención sobre os Dereitos do Neno.
 
Neste Pleno Infantil participaron arredor de 80 estudantes de 1º de ESO de catro centros compostelanos: IES Antonio Fraguas, Colexio La Salle, Colexio Santa Apolonia e Colexio Manuel Peleteiro. Con anterioridade, os centros participantes foron convidados a traballar e reflexionar sobre a infancia migrante e refuxiada.
 
Vítimas inocentes
 
Neste sentido, e tomando como referencia dúas imaxes que deron a volta ao mundo en datas recentes –a fotografía do neno kurdo de tres anos Aylan Kurdi, afogado nunha praia de Turquía en setembro de 2015;  e a do pequeno de cinco anos Omran Daqneesh, ferido en Alepo tras os bombardeos de agosto deste ano-, Diego Calvo puxo o foco nas “vítimas inocentes” da “realidade descarnada que, por desgraza, protagonizan de cote milleiros de nenas e nenos de todo mundo”.
 
Recordou que un recente informe de UNICEF cifra en case 50 millóns o número de nenos que viven actualmente fóra dos seus lugares de orixe. E, destes, 28 millóns tiveron que fuxir dos seus fogares por mor de conflitos e violencia.
 
“Non é agradable falar desta realidade, pero nada resolvemos ocultándoa ou eludíndoa, afirmou Calvo Pouso antes de agradecer o esforzo que desenvolve UNICEF. Afirmou que “urxe manter indefinidamente no tempo” a concienciación social respecto aos nenos que sofren, “máis aló dos aldabonazos  que para as nosas conciencias poda supoñer unha imaxe puntual difundida a través dos medios de comunicación”.
 
Os efectos do botellón
 
O vicepresidente do Parlamento de Galicia aproveitou a presenza dos participantes neste foro para chamar a atención sobre “algúns comportamentos que atentan contra a vosa saúde física e psicolóxica, como pode ser o botellón, tan de actualidade estes días en Galicia e en España”, unha práctica que evidencia o “pouco que valoramos a nosa propia vida e a maneira tan absurda coa que despediciamos o  máis valioso de canto posuímos”.
 
 

Saúdos, Gabinete de Comunicación do Parlamento de Galicia.

Imaxes Relacionadas

Outras novas


Emisións en directo

Non temos emisións en directo neste momento.

Axenda

Na axenda atopará as ordes do día e a documentación das sesións desta Cámara, tamén poderá consultar o arquivo multimedia das sesións xa celebradas.

Calendario

LUNS 23
outubro de 2017
lunsmarmérxovvensábdom
1
2345678
9101112131415
16171819202122
23242526272829
3031
<< setembro| novembro >>

Información das Sesións

Lista de sesións do día 23/10/2017


© Parlamento de Galicia, 2011 | Rúa do Hórreo, 63 - 15701 Santiago de Compostela | Tel.: 981 551 300 Fax: 981 551 408