Televisión de Galicia producirá e emitirá sete programas sobre a historia do Parlamento tomando como base testemuñas de exparlamentarios/as

• O presidente do Parlamento de Galicia, o director xeral da Corporación de Radio e Televisión de Galicia e o presidente da Asociación de Exparlamentarios/as asinaron un convenio de colaboración para articular esta iniciativa de divulgación
 
• A partir desta serie de programas, o Parlamento de Galicia editará un libro de anécdotas parlamentarias

Santiago, 15 de xullo de 2016.- Televisión de Galicia producirá e emitirá un total de sete programas divulgativos especiais para dar a coñecer a historia do Parlamento de Galicia, tomando como base as testemuñas dos exparlamentarios/as da Cámara e as anécdotas da vida parlamentaria relatadas polos seus protagonistas.
 
Cada un destes programas terá unha duración de 30 minutos e o seu contido será plural, reflectindo a composición da Cámara autonómica ao longo da historia.
 
Esta iniciativa está recollida nun convenio de colaboración asinado esta mañá polo presidente do Parlamento de Galicia, Miguel Ángel Santalices Vieira; o presidente da Asociación de Exparlamentarios/as do Parlamento de Galicia, Jesús María Fernández Rosende; e o director xeral da Corporación Radio e Televisión de Galicia, Alfonso Sánchez Izquierdo.

Colaboración da Asociación de Exparlamentarios/as
 
A Asociación de Exparlamentarios/as do Parlamento de Galicia colaborará coa Corporación Radio e Televisión de Galicia prestando asesoramento para a elaboración dos programas previstos.
 
Tomando como base o contido dos programas elaborados e emitidos, o Parlamento de Galicia elaborará e publicará un libro de anécdotas parlamentarias.
 
Esta iniciativa ponse en marcha cando están a piques de cumprirse os 35 anos da constitución do Parlamento de Galicia (a sesión constitutiva da primeira lexislatura celebrouse o 19 de decembro de 1981).
 
 

Saúdos,
Gabinete de Comunicación do Parlamento de Galicia.

Imaxes Relacionadas

Outras novas


Emisións en directo

Non temos emisións en directo neste momento.

Axenda

Na axenda atopará as ordes do día e a documentación das sesións desta Cámara, tamén poderá consultar o arquivo multimedia das sesións xa celebradas.

Calendario

LUNS 23
outubro de 2017
lunsmarmérxovvensábdom
1
2345678
9101112131415
16171819202122
23242526272829
3031
<< setembro| novembro >>

Información das Sesións

Lista de sesións do día 23/10/2017


© Parlamento de Galicia, 2011 | Rúa do Hórreo, 63 - 15701 Santiago de Compostela | Tel.: 981 551 300 Fax: 981 551 408