O ciclo de charlas divulgativas sobre o Parlamento chegou o pasado curso a 58 centros de secundaria

 
 
• A demanda desta actividade por parte dos centros medra cada curso e practicamente se triplicou desde a súa primeira edición
 
• O presidente do Parlamento agradece a colaboración dos exdeputados/as para facer posible esta iniciativa, e convida aos aos centros educativos a seguir organizando actividades deste tipo
 
Santiago, 10 de xullo de 2016.- O programa de charlas divulgativas sobre o Parlamento de Galicia dirixido a alumnado de Secundaria e Bacharelato chegou no pasado curso escolar 2015-2016 a un total de 58 centros educativos de toda a Comunidade Autónoma, o que pon de manifesto o crecente interese que suscita esta actividade.
 
Esta iniciativa foi posta en marcha polo Parlamento de Galicia no ano 2011 coa colaboración da Asociación de Exparlamentarios/as, xa que nestas charlas adoita participar un exdeputado de cada unha das forzas políticas representadas na Cámara, buscando así a pluralidade ideolóxica, pero tamén unha certa distancia respecto ao debate político de actualidade.
 
Cada unha destas charlas comeza, habitualmente, coa proxección dun vídeo sobre o Parlamento de Galicia, seguido de cadansúa intervención inicial dos exdeputados participantes e un colquio con preguntas e opinións do estudantado.
 

Estratexia de divulgación do Parlamento
 
A celebración destas charlas divulgativas enmárcase na estratexia de divulgación do Parlamento de Galicia que ofrece tamén, entre outras, un programa de visitas guiadas á sede do poder lexislativo galego, así como bibliografía dirixida específicamente ao estudantado.
 
A crecemente aceptación desta actividade por parte dos centros educativos ponse de manifesto ao comparar a evolución numérica das mesmas: das 20 charlas divulgativas organizadas na súa primeira edición, en 2011, pasouse a 50 no curso 2014-2015 e a 58  no curso 2015-2016.
 
Santalices agradece a colaboración de exdeputados/as e centros
 
O presidente do Parlamento de Galicia, Miguel Ángel Santalices Vieira, agradece a colaboración da Asociación de  Exparlamentarios/as para facer posible este iniciativa, e moi especialmente a participación dos diferentes exdeputados/as que tomaron parte nestas charlas.
 
Anima tamén o presidente da Cámara aos centros educativos a seguir organizando actividades deste tipo, tanto no propio centro, como participando no programa de visitas guiadas á sede do poder lexislativo galego.
 
 
Saúdos,
Gabinete de Comunicación do Parlamento de Galicia.
 

Imaxes Relacionadas

Outras novas


Emisións en directo

Non temos emisións en directo neste momento.

Axenda

Na axenda atopará as ordes do día e a documentación das sesións desta Cámara, tamén poderá consultar o arquivo multimedia das sesións xa celebradas.

Calendario

LUNS 23
outubro de 2017
lunsmarmérxovvensábdom
1
2345678
9101112131415
16171819202122
23242526272829
3031
<< setembro| novembro >>

Información das Sesións

Lista de sesións do día 23/10/2017


© Parlamento de Galicia, 2011 | Rúa do Hórreo, 63 - 15701 Santiago de Compostela | Tel.: 981 551 300 Fax: 981 551 408