O presidente do Parlamento participa na celebración do Día das Letras Galegas organizada polo Centro Galego de Barcelona

 
Santiago, 21 de maio de 2016.- O presidente do Parlamento de Galicia, Miguel Ángel Santalices Vieira, participou esta tarde no acto conmemorativo do Día das Letras Galegas organizado polo Centro de Barcelona e que, entre outras actividades, contou cunha conferencia impartida polo profesor Basilio Losada.
 
Na súa intervención, Santalices Vieira gabou o labor desenvolvido polo Centro Galego de Barcelona ao longo da súa historia (foi fundado en 1892) e co que Galicia mantén unha “eterna débeda de gratitude”. En palabras de Santalices, esta institución “actuou como faro e guía para a nosa cultura”, pero tamén como “lar agarimoso para tantos paisanos que sofriron o desarraigo nos primeiros anos da emigración”.
 
Do papel do Centro Galego como animador cultural, o presidente do Parlamento recordou a “extensa nómina de intelectuais que aquí disertaron  durante a ditadura –algúns deles non podían facelo ou tiñan dificultades para elo na Galicia territorial- ou pola magnífica biblioteca  do Centro –unha das mellores no seu xénero, tamen para os eruditos- na que non poucos galegos accederon por vez primeira a títulos que lles resultaban inaccesibles na súa terra de orixe”.
 
Valorou a traxectoria do profesor Basilio Losada, do que destacou os seus “saberes enciclopédicos e a súa xenerosidade sen límites”.
 
De Manuel María, homenaxeado no Día das Letras Galegas de 2016, Santalices dixo que é “unha das voces poéticas máis relevantes da literatura galega contemporánea”,  e subliñou o amplo consenso que suscita.
 
Saúdos, Gabinete de Comunicación do Parlamento de Galicia.

Imaxes Relacionadas

Outras novas


Emisións en directo

Non temos emisións en directo neste momento.

Axenda

Na axenda atopará as ordes do día e a documentación das sesións desta Cámara, tamén poderá consultar o arquivo multimedia das sesións xa celebradas.

Calendario

LUNS 23
outubro de 2017
lunsmarmérxovvensábdom
1
2345678
9101112131415
16171819202122
23242526272829
3031
<< setembro| novembro >>

Información das Sesións

Lista de sesións do día 23/10/2017


© Parlamento de Galicia, 2011 | Rúa do Hórreo, 63 - 15701 Santiago de Compostela | Tel.: 981 551 300 Fax: 981 551 408