O Parlamento acolle a entrega da XXIII Edición dos Premios de Publicidade en Galego


 
• A vicepresidenta primeira da Cámara, Marta Rodríguez Arias, anima a empresas e creativos a “seguir avanzando na senda galeguizadora” da publicidade

Santiago, 12 de maio de 2016.- A vicepresidenta primeira do Parlamento de Galicia, Marta Rodríguez Arias, destacou esta tarde o avance rexistrado en materia de normalización do uso da lingua galega, “tamén na publicidade, onde o galego pasou de ter un papel residual a ir gañando presenza, paseniñamente, como podemos comprobar ano tras ano”.
 
Rodríguez Arias presidiu esta tarde, na sede do Parlamento, o acto de entrega da XXIII Edición dos Premios de Publicidade en Galego,  convocados polo Consello Asesor de RTVE-G e da Corporación da RTVG, en funcións. Participou tamén no acto a vicesecretaria da Cámara, Concepción Burgo, e deputados dos grupos parlamentarios.
 
Galardoados
 
Nesta XXIII Edición dos Premios de Publicidade en Galego resultaron gañadores: na modalidade de Internet, o spot “Fai historia con nós” da Universidade de Vigo, elaborado pola axencia NASAS; en radio, a cuña “Estrella Galicia”, de Idea Creatividad y Comunicación; mentres na modalidade de televisión, o galardón correspondeu ao spot “En confianza” de Gadis, obra da axencia Bap&Conde.
 
A vicepresidenta da Cámara galega animou ás empresas, e de maneira especial aos creativos publicitarios, a “seguir avanzando na senda galeguizadora”, polo que lles pediu que aconsellen aos seus clientes o uso do galego nas campañas de publicidade.
 
Atribuíu a recuperación do galego a unha serie de factores entre os que destacou as persoas que o falan, os devanceiros que preservaron a lingua, os intelectuais, os medios de comunicación, o sistema educativo ou as institucións.
 
“Neste renacer do idioma, o Parlamento de Galicia, alicerce básico da nosa autonomía, xoga e xogou tamén un papel determinante por moitas razóns”, entre as que Rodríguez Arias se referiu á “capital importancia” da Lei de normalización lingüística, “á que debemos bos parte do prestixio, a difusión e a presenza social que o galego ten arestora”.
 
 
 
 
 
Saúdos,
Gabinete de Comunicación do Parlamento de Galicia.

Imaxes Relacionadas

Outras novas


Emisións en directo

Non temos emisións en directo neste momento.

Axenda

Na axenda atopará as ordes do día e a documentación das sesións desta Cámara, tamén poderá consultar o arquivo multimedia das sesións xa celebradas.

Calendario

LUNS 23
outubro de 2017
lunsmarmérxovvensábdom
1
2345678
9101112131415
16171819202122
23242526272829
3031
<< setembro| novembro >>

Información das Sesións

Lista de sesións do día 23/10/2017


© Parlamento de Galicia, 2011 | Rúa do Hórreo, 63 - 15701 Santiago de Compostela | Tel.: 981 551 300 Fax: 981 551 408