Santalices participa na presentación do libro "Centro Galego de Barcelona. Conciencia de Galicia"


 
• O volume é obra do actual presidente do Centro Galego, Manuel Carrete Rivera, “un dos artífices de que a galeguidade se manteña forte en Barcelona”
 
• Santalices recorda a Tiberio Ávila, filántropo ourensán biografiado por Manuel Carrete, que foi profesor de Picasso e o primeiro vicepresidente do Centro Galego de Barcelona

Santiago, 29 de marzo de 2016.- O presidente do Parlamento de Galicia, Miguel Ángel Santalices Vieira, participou esta tarde en Santiago, no acto de presentación do libro Centro Galego de Barcelona. Conciencia de Galicia, do que é autor Manuel Carrete Rivera, presidente do Centro Galego de Barcelona.
 
Santalices Vieira valorou o traballo que está a desenvolver o actual presidente do Centro Galego de Barcelona e autor da obra presentada, Manoel Carrete Rivera, galego de segunda xeración asentado na cidade condal e activista destacado da cultura galega de Barcelona, “unha fecunda realidade que agroma cada día con multitude de formas”.
 
“Manoel Carrete defínese a sí mesmo como ‘cen por cen galego  anque nacera en Cataluña’ e, quizais por iso, é un dos artífices de que o lume da galeguidade se manteña aceso e forte en Barcelona”, afirmou Santalices Vieira.
 
O presidente do Parlamento de Galicia, tamén subliñou a importancia da obra  presentada hoxe, que trata de dar a coñecer novas históricas do Centro Galego de Barcelona, poñendo en valor, deste xeito, a traxectoria do decano de todos os centros galegos de Europa, dado que foi fundado o 7 de abril de 1892.
 
Na súa intervención, o presidente do Parlamento de Galicia recordou a figura de Tiberio Ávila, filántropo ourensán biografiado por Manuel Carrete noutro libro, que foi profesor de Picasso e primeiro vicepresidente do Centro Galego de Barcelona.
 
Lembrou que Tiberio Ávila foi, como deputado a Cortes, un dos impulsores da chegada do ferrocarril a Ourense en 1881, e despois, xa asentado en Cataluña, defendeu a conexión ferroviaria con Galicia para para dar saída á produción cárnica galega.
 

Saúdos,
Gabinete de Comunicación do Parlamento de Galicia.

Imaxes Relacionadas

Outras novas


Emisións en directo

Non temos emisións en directo neste momento.

Axenda

Na axenda atopará as ordes do día e a documentación das sesións desta Cámara, tamén poderá consultar o arquivo multimedia das sesións xa celebradas.

Calendario

LUNS 23
outubro de 2017
lunsmarmérxovvensábdom
1
2345678
9101112131415
16171819202122
23242526272829
3031
<< setembro| novembro >>

Información das Sesións

Lista de sesións do día 23/10/2017


© Parlamento de Galicia, 2011 | Rúa do Hórreo, 63 - 15701 Santiago de Compostela | Tel.: 981 551 300 Fax: 981 551 408