Maite Cancelo toma posesión como deputada do PPdeG pola Coruña

Santiago, 22 de decembro de 2015.- O Pleno do Parlamento de Galicia de Galicia acolleu esta mañá a toma de posesión de Maite Cancelo Márquez como deputada do PPdeG pola circunscrición electoral da Coruña, en substitución de María Soledad Piñeiro Martínez.
 
Maite Cancelo naceu en Barcelona o 30 de setembro de 1966. Está casada e ten dous fillos. Doutora  en Ciencias Económicas pola Universidade de Santiago de Compostela. Directora do departamento de Economía Cuantitativa e profesora titular de Economía Aplicada. Foi decana da Facultade de Ciencias Económicas e Empresariais no período de 2007 ao 2010 e vicepresidenta da Conferencia Española de Decanos de Economía e Empresa (2009-2010). No ano 1997 recibiu a insignia de ouro da USC. Vogal do Consello Galego de Estatística dende o ano 2009, tamén foi vogal no Consello Galego de Universidades entre os anos 2009 e 2013. Foi nomeada "Economista do ano 2010" polo Colexio de Economistas da Coruña.
 
Entre os anos 2010 e 2012 Cancelo Márquez  foi directora xeral do Centro Europeo de Empresa e Innovación de Galicia, organismo pertencente á Consellería de Economía e Industria da Xunta de Galicia e actualmente integrado no IGAPE.
 
Maite Cancelo é concelleira en Santiago de Compostela. Forma parte do Comité Executivo do PP na provincia da Coruña na área de Comercio e Turismo e do Comité local de Santiago de Compostela, do que anteriormente foi vicesecretaria de Organización.
 
 
Saúdos, Gabinete de Comunicación do Parlamento de Galicia.

Imaxes Relacionadas

Outras novas


Emisións en directo

Non temos emisións en directo neste momento.

Axenda

Na axenda atopará as ordes do día e a documentación das sesións desta Cámara, tamén poderá consultar o arquivo multimedia das sesións xa celebradas.

Calendario

LUNS 23
outubro de 2017
lunsmarmérxovvensábdom
1
2345678
9101112131415
16171819202122
23242526272829
3031
<< setembro| novembro >>

Información das Sesións

Lista de sesións do día 23/10/2017


© Parlamento de Galicia, 2011 | Rúa do Hórreo, 63 - 15701 Santiago de Compostela | Tel.: 981 551 300 Fax: 981 551 408