Pilar Rojo lamenta o falecemento de Neira Vilas e destaca o "valor excepcional" da súa obra

 
* A Comisión 4ª, Educación e Cultura, gardou un minuto de silencio na memoria de Xosé Neira Vilas ao remate da sesión celebrada na mañá desde venres
 
Santiago, 27 de novembro de 2015.- A presidenta do Parlamento de Galicia, Pilar Rojo Noguera, lamenta o falecemento do escritor Xosé Neira Vilas. A xuízo da presidenta da Cámara, Neira Vilas ocupará un sitial preferente na historia das letras galegas como autor da obra máis lida, editada e traducida da literatura galega, Memorias dun neno labrego.
 
"Toda a obra literaria de Neira Vilas ten un valor excepcional, pero Memorias dun neno labrego constitúe unha crónica de valor extraordinario sobre a realidade da Galicia rural nun tempo pretérito", afirma Pilar Rojo, ao tempo que destaca a contribución do escritor falecido á normalización da lingua galega e á posta en valor da cultura de Galicia.
 
Minuto de silencio
 
Por outra parte, os deputados e deputadas que participaron na reunión da Comisión 4ª, Educación e Cultura, do Parlamento de Galicia  gardaron un minuto de silencio na memoria de Xosé Neira Vilas ao remate da sesión celebrada na mañá desde venres, logo de coñecerse o falecemento do escritor.
 
 

Saúdos, Gabinete de Comunicación do Parlamento de Galicia.

Imaxes Relacionadas

A Comisión 4ª, Educación e Cultura, gardou un minuto de silencio na memoria de Xosé Neira Vilas ao remate da sesion celebrada na mañá desde venres

Outras novas


Emisións en directo

Non temos emisións en directo neste momento.

Erro ó carga-la páxina. Error en el servidor remoto: (404) No se encontró.

© Parlamento de Galicia, 2011 | Rúa do Hórreo, 63 - 15701 Santiago de Compostela | Tel.: 981 551 300 Fax: 981 551 408