Embaixadores e diplomáticos da Liga Árabe visitan o Parlamento no marco dunha viaxe a Galicia


 
• Pilar Rojo recorda as boas relacións hispano-árabes e agarda que a visita contribúa a reforzar eses vínculos
 
Santiago, 1 de outubro de 2015.- Unha delegación de embaixadores e outros cargos diplomáticos pertencentes a países da Liga Árabe visitaron esta tarde o Parlamento de Galicia no marco da viaxe que hoxe e mañá efectúan á Comunidade co obxectivo de reforzar as relacións institucionais, culturais e comerciais.
 
A presidenta do Parlamento, Pilar Rojo, mantivo un encontro con esta delegación no seu despacho da Cámara, no transcurso da cal recordou as tradicionais boas relacións hispano-árabes, e amosou o seu desexo de que esta visita contribúa a reforzar eses vínculos.
 
Pilar Rojo explicou tamén a composición, historia e funcionamento do Parlamento de Galicia. Dase a circunstancia de que mañá venres, 2 de outubro, se cumpren 100 anos da inauguración do edificio que actualmente é sede do Parlamento de Galicia e que nos seus primeiros anos albergou unha Escola de Veterinaria.
 
Logo da entrevista coa presidenta do Parlamento, os integrantes da delegación efectuaron unha visita guiada ao Pazo do Hórreo, e tamén mantiveron encontros bilateriais con representantes dos grupos parlamentarios.
 
A Liga de Estados Árabes, fundada en 1945, está integrada na actualidade por 22 países e representa un mercado estratéxico pola súa proximidade.

Saúdos, Gabinete de Comunicación do Parlamento de Galicia.

Imaxes Relacionadas

Outras novas


Emisións en directo

Non temos emisións en directo neste momento.

Axenda

Na axenda atopará as ordes do día e a documentación das sesións desta Cámara, tamén poderá consultar o arquivo multimedia das sesións xa celebradas.

Calendario

MÉRCORES 22
novembro de 2017
lunsmarmérxovvensábdom
12345
6789101112
13141516171819
20212223242526
27282930
<< outubro| decembro >>

Información das Sesións

Lista de sesións do día 22/11/2017


© Parlamento de Galicia, 2011 | Rúa do Hórreo, 63 - 15701 Santiago de Compostela | Tel.: 981 551 300 Fax: 981 551 408