As charlas divulgativas sobre o Parlamento chegaron este curso a medio cento de centros de secundaria


 
• O número de centros participantes duplicouse nos dous últimos cursos, ao pasar de 23 a 50 centros
 
• Pilar Rojo, agradece a colaboración dos exdeputados/as que participaron neste ciclo de charlas; e tamén o interese amosado polos centros educativos que as acolleron

Santiago, 31 de maio de 2015.- O programa de charlas divulgativas sobre o Parlamento de Galicia dirixidas ao alumnado de ESO e Bacharelato chegaron durante o curso 2014-2015 a un total de 50 centros educativos das catro provincias galegas.
 
Esta iniciativa, que acadou a súa quinta edición no curso que remata, está organizada polo Parlamento de Galicia e pola Asociación de Exparlamentarios/as. Por provincias, 23 centros pertencen á Coruña; 9 a Lugo; 3 a Ourense e 15 a Pontevedra.
 
O número de centros participantes aumenta en cada edición e mesmo se duplicou nos dous últimos cursos. Pasou de 23  centros participantes no curso 2012-2013 aos 50 centros do ano académico que agora remata. 
 
As charlas divulgativas sobre o Parlamento de Galicia foron impulsadas pola presidenta da Cámara, Pilar Rojo, na pasada lexislatura coincidindo coa celebración do 30 aniversario da constitución do lexislativo autonómico. 
 
Charla e coloquio
 
Cada unha destas sesións adoita comezar coa proxección dun vídeo sobre o Parlamento de Galicia, logo do cal os exdeputados participantes teñen cadansúa intervención individual, que é seguida dun coloquio con preguntas e opinións dos estudantes participantes.
 
Trátase dunha actividade plural na que, habitualmente, toman parte tres exdeputados/as de outras tantas formacións políticas.
 
A celebración das charlas para estudantes de ESO e Bacharelato enmárcase na estratexia de divulgación do Parlamento de Galicia, que inclúe tamén un programa de visitas guiadas á institución, a edición de material orientado especificamente ao estudantado galego e un concurso escolar, entre outras actividades.
 
Agradecemento aos exdeputados/as e aos centros
 
A presidenta da Cámara, Pilar Rojo, agradece a colaboración dos exdeputados e exdeputadas que participaron neste ciclo de charlas divulgativas; e tamén o interese amosado polos centros educativos que contactaron coa Cámara lexislativa para acoller unha actividade desde tipo.
 
Rojo Noguera confirma que o Parlamento de Galicia volverá ofertar estas charlas aos centros educativos o vindeiro curso, ao tempo que recorda que “as portas da Cámara están abertas ao conxunto da comunidade educativa, a través do programa de visitas guiadas á sede da institución”.

Saúdos, Gabinete de Comunicación do Parlamento de Galicia.

Imaxes Relacionadas

Outras novas


Emisións en directo

Non temos emisións en directo neste momento.

Axenda

Na axenda atopará as ordes do día e a documentación das sesións desta Cámara, tamén poderá consultar o arquivo multimedia das sesións xa celebradas.

Calendario

MARTES 21
novembro de 2017
lunsmarmérxovvensábdom
12345
6789101112
13141516171819
20212223242526
27282930
<< outubro| decembro >>

Información das Sesións

Lista de sesións do día 21/11/2017


© Parlamento de Galicia, 2011 | Rúa do Hórreo, 63 - 15701 Santiago de Compostela | Tel.: 981 551 300 Fax: 981 551 408