Pilar Rojo ve o Valedor do Pobo como unha "institución amplamente consolidada"

· O Parlamento de Galicia acolleu a presentación do libro Defensorías del Pueblo en España: una visión prospectiva, do que é autor  o valedor do pobo en funcións, José Julio Fernández.

Santiago, 27 de abril de 2015.- A piques de se celebrar o 25 aniversario da toma de posesión do seu primeiro titular, o Valedor do Pobo converteuse, en opinión de Pilar Rojo, nunha "institución amplamente consolidada e merecedora da consideración xeral".
 
Rojo Noguera facía estas consideracións este mediodía na presentación do libro Defensorías del Pueblo en España: una visión prospectiva, do que é autor o valedor do pobo en funcións, José Julio Fernández Rodríguez.
 
A xuízo de Pilar Rojo, a consolidación do Valedor do Pobo garda relación co rigor dos seus informes anuais, pero tamén con outras actividades paralelas que suscitan unha ampla adhesión social. Sinalou como exemplo as monografías e informes extraordinarios, dos que citou dous exemplos recentes, os que analizan Os dereitos das persoas con discapacidade intelectual en Galicia, e o que leva por título Adolescentes e Internet en Galicia.
 
25 anos do Valedor do Pobo
 
A presidenta do Parlamento lembrou que o próximo 31 de maio se cumprirán 25 anos da toma de posesión do primeiro valedor do pobo, Xosé Cora, quen "co rigor e a capacidade de traballo que o caracterizaban, e que caracterizaron tamén aos que o sucederon, puxo os alicercres dunha institución que, durante este cuarto de século de vida, foi medrando en volume de asuntos abordados, prestixio e aceptación por parte dos cidadáns".
 
Ademais do autor, na presentación do libro interviron tamén o letrado maior do Parlamento de Galicia, Xosé Antón Sarmiento Méndez; e o catedrático de Dereito Constitucional da USC Roberto Blanco Valdés.
 
Pilar Rojo defendeu a utilidade do volume presentado hoxe, unha obra que, na súa opinión, "vainos axudar a comprender mellor a institución, vainos ilustrar con comparacións respecto a outras institucións semellantes, clarexa a función que o Valedor leva a cabo, e explica o procedemento que se segue para a tramitación das queixas que recibe".
 

Saúdos, Gabinete de Comunicación do Parlamento de Galicia.

Imaxes Relacionadas

Outras novas


Emisións en directo

Non temos emisións en directo neste momento.

Axenda

Na axenda atopará as ordes do día e a documentación das sesións desta Cámara, tamén poderá consultar o arquivo multimedia das sesións xa celebradas.

Calendario

MARTES 21
novembro de 2017
lunsmarmérxovvensábdom
12345
6789101112
13141516171819
20212223242526
27282930
<< outubro| decembro >>

Información das Sesións

Lista de sesións do día 21/11/2017


© Parlamento de Galicia, 2011 | Rúa do Hórreo, 63 - 15701 Santiago de Compostela | Tel.: 981 551 300 Fax: 981 551 408