Pilar Rojo subliña o “elevado nivel” da arte galega contemporánea

 
• Participou na inauguración da mostra conxunta dos pintores Alexandro, Lamazares e Vidal Souto no centro cultural Conde Duque de Madrid

Santiago, 23 de abril de 2015.- A presidenta do Parlamento de Galicia, Pilar Rojo, destacou hoxe o “elevado nivel”  acadado pola arte galega contemporánea, como acredita a mostra  alexandro lamazares vidal souto, inaugurada esta tarde no centro cultural Conde Duque de Madrid.
 
Pilar Rojo subliñou que malia as sinais de identidade “moi diferenciadas” que caracterizan a obra pictórica de Alexando, Lamazares e Vidal Souto, os tres  “se unen a través dos lazos da amizade, nunha exposición conxunta, comisariada por Miguel Santalices, home renacentista, médico, político e amante da arte”.
 
“E tanto se unen, tanto se identifican –sinalou a presidenta do Parlamento de Galicia-, que o nome da exposición se converte nun trabalinguas dos tres nomes unidos”.
 
Pilar Rojo amosouse honrada por poder estar presente na inauguración desta exposición en Madrid e “ser testemuña do seu éxito”. Na súa opinión, a mostra contribúe a dar a coñecer a pintura actual e de vangarda que se fai en Galicia, permite “derribar o mito de que os galegos non sabemos traballar conxuntamente a causa do noso individualismo” e  constitúe unha proba fidedigna de que “a amizade entre colegas está por riba de calquera rivalidade”.
 
Saúdos, Gabinete de Comunicación do Parlamento de Galicia.

Imaxes Relacionadas

Outras novas


Emisións en directo

Non temos emisións en directo neste momento.

Erro ó carga-la páxina. Error en el servidor remoto: (404) No se encontró.

© Parlamento de Galicia, 2011 | Rúa do Hórreo, 63 - 15701 Santiago de Compostela | Tel.: 981 551 300 Fax: 981 551 408