A Cámara galega acolle a final do certame Parlamento Xove 2015

 
 A vicepresidenta segunda e o secretario da Cámara participan na clausura e na entrega de premios aos gañadores
 
• O equipo do IES de Becerreá, na categoría de Bacharelato, e o do colexio La Salle, na modalidade de ESO, resultaron gañadores de Parlamento Xove 2015

Santiago, 18 de abril de 2015.- A sede do lexislativo galego acolleu este sábado a final do certame Parlamento Xove 2015, organizado pola Consellería de Traballo e Benestar, coa colaboración da Cámara galega. No acto de clausura participaron, en representación da institución, a vicepresidenta segunda do Parlamento de Galicia, María Soledad Soneira, e mailo secretario da Mesa da Cámara, José Manuel Balseiro. Participou tamén o  director xeral de Xuventude e Voluntariado da Xunta, Ovidio Rodeiro.
 
Durante o acto, a vicepresidenta segunda da Cámara saudou ao alumnado e profesorado asistentes, aos que deu a benvida ao Parlamento de Galicia, ademais de convidalos a participar no programa de visitas guiadas da institución.
 
Soneira Tajes trasladou, en nome propio e no da institución, os seus parabéns á organización e aos participantes no programa Parlamento Xove 2015. Ao seu xuízo, esta iniciativa favorece o intercambio de experiencias entre o alumnado de centros de diferente procedencia xeográfica; anima o desenvolvemento de técnicas de comunicación verbal e de habilidades sociais; estimula a competencia intelectual entre os participantes; e fomenta unha variante de ocio diferente ao habitual.

Dous asuntos a debate
 
A actual edición de Parlamento Xove plantexaba dous temas de debate aos participantes. Así, o alumnado de ESO debateu sobre “Cine: desaparecerán as salas de cine como forma de ocio?”, mentres que o de Bacharelato debateu sobre “Foméntase dende os fogares a falta de respecto ao profesorado na escola?”.
 
Gañadores
 
O equipo do IES de Becerreá, na categoría de Bacharelato, e o do colexio La Salle, na modalidade de ESO, resultaron gañadores de Parlamento Xove 2015. Á final deste concurso, no que participaron 43 equipos de 37 centros educativos de toda Galicia, cun total de 215 alumnos e alumnas,  chegaron 16 equipos de 14 centros. 
 
Os equipos gañadores recibiron como premio unha viaxe valorada en 5.000 euros, na categoría de Bacharelato, e 3.000 euros no caso da categoría de ESO. Os finalistas foron os equipos do colexio La Salle en Bacharelato e do IES Pontepedriña en ESO. Recibiron como premio un ebook para cada un dos membros dos equipos.
 
Os participantes na final foron na categoría de ESO con dous equipos o IES Antonio Fraguas de Santiago, e cun equipo o IES Pontepedriña de Santiago, o IES Rosalía de Castro de Santiago, o Colexio La Salle (Santiago), o IES Eduardo Pondal, tamén de Santiago, o CPR Filipense Sagrada Familia de Vilagarcía de Arousa e o IES Monte Castelo de Lugo.
 
Na categoría de Bacharelato participaron con dous equipos o IES de Becerreá; e cun equipo o IES Castro Alobre de Vilagarcía de Arousa, o IES Eduardo Pondal de Santiago, o IES de Foz, o Centro Galén de Lugo, o Colexio La Salle de Santiago e o IES de Rodeira de Cangas.
 
Pola súa banda, os alumnos e alumnas do equipo gañador ao mellor dossier de investigación, do IES Eduardo Pondal, recibiron como premio un diploma e un disco duro. O tema deste dossier foi o da fase preliminar: ‘Debería adiantarse a maioría de idade legal aos 16 anos?’. E os oito mellores oradores – catro en cada categoría- recibiron como premio un diploma e un ipod.
 
Saúdos, Gabinete de Comunicación do Parlamento de Galicia.

Imaxes Relacionadas

O equipo do IES de Becerreá resultou gañador na categoría de BacharelatoO equipo do Colexio La Salle gañou na modalidade de ESO

Outras novas


Emisións en directo

Non temos emisións en directo neste momento.

Axenda

Na axenda atopará as ordes do día e a documentación das sesións desta Cámara, tamén poderá consultar o arquivo multimedia das sesións xa celebradas.

Calendario

MARTES 21
novembro de 2017
lunsmarmérxovvensábdom
12345
6789101112
13141516171819
20212223242526
27282930
<< outubro| decembro >>

Información das Sesións

Lista de sesións do día 21/11/2017


© Parlamento de Galicia, 2011 | Rúa do Hórreo, 63 - 15701 Santiago de Compostela | Tel.: 981 551 300 Fax: 981 551 408